Huez a rechasa deal di InselAir, pero no a declara bancarota

Huez a rechasa deal di InselAir, pero no a declara bancarota

Posted on 01/16/2019 3:36 pm AST | Updated on 01/16/2019 3:39 pm AST

WILLEMSTAD – Huez a rechasa e acuerdo di creditornan pa InselAir International diaranson, pero mes momento a acomoda e administrador pa por apela e sentencia di awe. Esaki ta nifica cu enbez di declara e compania bancarota mesora, ta duna oportunidad pa corte di apelacion tira un bista riba e acuerdo un biaha mas. Expertonan legal cerca di e proceso aki a mustra NoticiaCla cu mes momento esaki ta nifica tambe cu e administrador ta haya mas tempo pa sigui busca garantia necesario pa e deal entre interCaribbean Airways y InselAir International keda concretisa. Awe mainta ainda NoticiaCla a cita e matutino Extra cu a papia cu e administrador Rogier vd Heuvel, indicando cu interCaribbean a entrega un garantia den forma di hipoteca riba un di e avionnan di interCaribbean. Esey lo mester tabata suficiente. Pero e huez diaranson a mustra cu esaki no ta suficiente, basa riba cierto puntonan den e ‘deal’ cu interCaribbean a pone. Esey ta cambia full e concepto y e seguridad cu e hipoteca mester duna. Un credito tambe na Banco di Turks & Caicos, (base di interCaribbean) no ta valido pa e huez. Como tal, a rechasa e acuerdo. Den un caso normal, e unico opcion ta keda e ora pa declara e compania en cuestion failliet. Den e caso aki, atrobe, pa straño cu e por zona, a bolbe acomoda e compania y dune mas bida, te ora cu trata e caso den apelacion. Lesa e sentencia AKI. 

  • Parti di Belastingkantoor na Corsou destrui pa candela

    Parti di Belastingkantoor na Corsou destrui pa candela

    WILLEMSTAD – Parti di Belastingkantoor di Corsou a kima marduga. Ta trata di parti di ontvanger na Regentesselaan. No ta conoci exactamente con grandi e daño tabata. Minister responsabel pa e departamento tabata na caminda awe mainta pa e sitio pa pone su mes personalmente na altura di e sucedido. Informacion cu NoticiaCla.com tin ta cu bomberonan tabata na e sitio hopi liher. E fachada di e lugar (e parti dilanti) ta destrui. Como tal awe belastingdienst no ta habri obviamente. Motibo di e candela no ta conoci. 

  • Gobierno di Corsou a ofrece 608 ambtenaar un areglo di retiro boluntario

    Gobierno di Corsou a ofrece 608 ambtenaar un areglo di retiro boluntario

    WILLEMSTAD - Un grupo di empleado publico di Corsou, cu kier baha cu retiro boluntario prome cu e edad di pensioen di 65 aña, recientemente a haya mas informacion tocante e areglo boluntario. Ta trata di un grupo di 608 ambtenaar cu a nace entre 1di januari 1957 y 31 december 1960, cu por scoge pa sali for di servicio pa mas tarda 31 di december 2020.

  • World Series Little League 2019:Corsou tin tres picher cla pa Venezuela

    World Series Little League 2019:Corsou tin tres picher cla pa Venezuela

    WILLIAMSPORT.- Corsou a gana convincemente di Canada den e campeonato mundial di Little League y awor ta preparando pa subi tereno awe tardi 3 or contra Venezuela cu a logra victoria preta di 8-7 riba Mexico.

  • Na Corsou, homber a corta pareha cu nabaha pa despues accidenta cu vehiculo

    Na Corsou, homber a corta pareha cu nabaha pa despues accidenta cu vehiculo

    WILLEMSTAD.- Un dama ta den hospital interna cu situacion hopi delicado, despues cu e lo mester a keda corta pa su pareha cu un nabaha. Diadomingo alrededor di mitar di dos di marduga, Central di Polis a dirigi un unidad policial na Kaya Malwa na Kustbatterij, pa un caso di maltrato serio. Na yegada di e unidad, a topa un dama cu un herida serio na altura di su garganta y cu tabata sangra bastante. Mesora a pidi presencia di ambulance na e sitio cu a transporta e dama D.M. naci na Corsou di 33 aña di edad pa policlinica di SEHOS pa tratamento medico.

  • Na Corsou, edificio, crèche y kantoor a keda destrui pa candela feroz

    Na Corsou, edificio, crèche y kantoor a keda destrui pa candela feroz

    WILLEMSTAD - Diadomingo marduga a dirigi e unidadnan di bombero pa Rooseveltweg, pa asina atende cu un edificio cu tabata na candela. Na nan yegada na e sitio a topa cu e edificio, cu ya tabata completamente na candela. No por a haci nada mas pa scapa e edificio, sino solamente paga e candela y evuta cu por a pone sobra di e edificionan den banda na peliger.

  • Ex minister Jamaloodin di Corsou sentencia na 28 aña prison

    Ex minister Jamaloodin di Corsou sentencia na 28 aña prison

    WILLEMSTAD – Diabierna Corte di Prome Instancia a sentencia ex minister di Finanza di Corsou, George Jamaloodin, na 28 aña di prison den e caso Maximus. Jamaloodin a keda sentencia pa provocacion di e morto riba politico Helmin Wiels den caso Maximus y den caso Germanium pa den calidad di Minister di Finanza, malversa placa di subdisio y falsificacion di firma. Den caso di Passaat, a absolve e ex mandatario. Ministerio Publico a pidi 30 aña total pa e ex mandatario.

  • CNSJ4
  • Powered by SETAR