Pasahero ta demanda aeroliña pa abuso durante buelo di Aruba pa Merca

ORANJESTAD / PHILADELPIA – Un pasahero, e Mericano Gregory Lagana di New Jersey, ta demando e aeroliña American Airlines pa abuso di un tripulante masculine durante un buelo di Aruba pa Philadelpia.  E demanda ta pa 161 mil dollar na daño. Segun e pasahero, el a keda cu daño permanente despues di e incidente di 5 di januari ultimo. E pasahero originalmente a boek pasashi cu otro aeroliña pero despues di varios retraso y cancelacion, e mester a boek e buelo bek e ora riba American Airlines. Ta durante sirbimento di bebiba, e problema a surgi entre e pasahero y e tripulante masculino di e avion.