Surinam Airways ta yega Aruba awe cu tripulacion completo femenino

ORANJESTAD – Aeropuerto di Aruba ta preparando pa ricibi awe mainta e prome tripulacion completamente fememino di Surinam Airways. Nan ta considera esaki como un logro historico, unda cu pa prome biaha ta logra algo asina. Ta trata di buelo PY631 programa pa yega Aruba prome cu merdia for di Surnam. Ta ainda basta inusual cu un tripulacion completo di un aeroliña comercial ta consisti di hende femenino so, incluyendo e capitan y co-piloto. Awe esey ta wordo celebra cu e yegada di e buelo di Surnam. Fuente Surinam Airways.