ORANJESTAD – Durante e tratamento di caso di Ibis diamars, a bira cla cu varios comerciante Chines tabata involucra den un operacion pa haya ontheffing, a cambio di mercancia y cu segun nan tabata algo normal y no illegal, esta tabata the 'way of doing business na Aruba'. “Di otro forma bo no ta haya ontheffing of ta haye mas lihe” un di e Chinesnan a bisa diamars. Ta trata di doñonan di sea supermercadonan Chines of restaurant. Un di nan tabata e doño di Cheng’s supermarket, T.Chen, cu a reclama un e un dia cu el a keda encarcela, mes tabata hopi malo. Un otro, doño di restaurant, T. Siem Mong no a sconde cu e tabata duna minister cerbes, wisky y ijs, a cambio di ontheffing.
E CASO
Mescos cu NoticiaCla a raporta mainta caba, e Chinesnan tabata hopi activo cu e negoshi di ontheffing, pero a considera esaki como algo normal. Tanto e chines T. Chen como T. Siem Mong tabata usa tramitadornan y tabata paga sumanan grandi of/y mercancia a fabor di e ontheffingnan. Den caso di Siem Mong, a para riba cu ta sponsor e tabata sponsor e mandatario solamente y cu nan tabata amigo di hopi tempo. Pero ora cu Huez a confronta Siem Mong cu yamadanan getapped, e storia a bira otro. “Na polis bo a bisa cu bo a duna placa y mercancia pa facilita permiso”. Aki el a admiti cu esey tabata e unico forma pa keda cla pa haya e permisonan necesario. A resulta cu no solamente el a percura pa ontheffing pa su negoshinan, pero tambe pa otro negoshi Chines, unda cu number di doño di Hong Kong Supermarket a cay.
ORANJESTAD – E asosacion di radio na Aruba (Aruba Broadcasting Association-ABA) y e fundacion DUCAPRO (registro di derecho di artista y musica) no a haya otro ainda riba e suma cu radionan tin cu paga pa por tin derecho pa toca cierto musica na nan radio. Por lo menos, den forma inoficial ya cu ningun di dos partido ‘oficialmente’ a duna un reaccion. Conforme un caso sumario un luna pasa, huez a ‘suspende’ e caso y a duna partidonan te cu 24 di April (ayera) pa yega na otro riba e suma. Di otro forma, lo mester continua cu e caso y eventualmente dicta un sentencia, cu ta traduci na un suma stipula pa corte cu radionan mester bay paga DUCAPRO pa toca cierto cancionan na nan respectivo emisora.
ORANJESTAD – E testigo principal di parti defensa den caso Flamingo, den e caso aki, e hefe di BCI, lo no por declara dilanti Huez Comisario. Asina ex minister Otmar Oduber a declara publicamente diamars. Segun e ex mandatario, Huez Comisario a informa nan diabierna ultimo cu e motibo ta cu salud di e testigono ta permiti.
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.