Parlamento Britanico a rechasa e deal di salida di Brexit

Parlamento Britanico a rechasa e deal di salida di Brexit

Posted on 01/15/2019 9:21 pm AST | Updated on 01/15/2019 9:21 pm AST

LONDON – Prome minister di Inglatera Theresa May su deal di Brexit (salida di Inglatera di Union Europeo, a keda rechasa cu 230 voto, considera como e derota mas grandi pa un gobierno na poder. E parlamentarionan a vota 432 contra 202 pa rechasa e deal cu ta stipula e salida di Union Europeo dia 29 di maart proximo. Mientrastanto tin un voto di desconfiansa programa pa tuma lugar diaranson atardi contra e gobierno. E derota ta uno grandi pa May, cu a traha mas di dos aña riba un deal di salida cu Union Europeo. E plan tabata pa programa un salida ordena, y un periodo di 21 luna pa negosha un acuerdo di Mercado liber. E voto di awe tabata programa pa tuma lugar na December ultimo pero May a postpone esaki pa gana mas sosten di parlamentarionan. Esey sinembargo no a yuda. 

 

 

  • Conocido di Aruba Reinier K, acusa di asesinato awor na Merca

    Conocido di Aruba Reinier K, acusa di asesinato awor na Merca

    PALM SPRINGS — E homber acusa di a sente un cas mobiel na candela luna pasa, e conocido ex ciudadano di Aruba Reinier K (42) awor ta confronta un cargo di asesinato tambe, fuera di e cargo di a cende e trailer na candela. Siman pasa diahuebs, K, a presenta dilanti  huez na Florida, pa responde pa su acto di luna pasa (Maart 29, 2019) unda cu un trailer a keda cendi na candela cu un homber aden. K, ta wordo sospecha di a comete e acto. K. ta un persona hopi conoci na Aruba, unda cu el a pasa gran parti di su bida, incluyendo su mayornan. E noticia aki a hala hopi atencion, sigur pa e grupo grandi di Amistad di e homber aki. Na Aruba el a bin den contacto cu ley, pa varios acto, entre nan e momento cu el a mishi cu e muraya di KIA, pa demonstra un punto. K, segun amigonan na Aruba, ta un bon homber, pero cu pa motibo di experiencia di guera, a keda traumatiza y a cay den mal caminda y nunca mas a sali di esaki. Cu e acto aki, esaki ta parse di ta esun pior cu K, por a pasa aden.  Potret cortesia Palm Beach Post. 

  • Explosionan simultaneo cu riba 130 morto na Sri Lanka

    Explosionan simultaneo cu riba 130 morto na Sri Lanka

    COLOMBO, SRI LANKA – Por lo menos 160 persona a muri y centenaries herida den explosionan simultaneo den varios misa y hotel na Sri Lanka diadomingo mainta. Por lo menos 8 explosion a keda raporta. Tres misa na Negombo, Batticaloa y districto di Kochchikade tabata e blanco. The Shangri-La, Kingsbury, Cinnamon Grand y un di cuater hotel, tur na Colombo, tambe tabata blanco. A detene 7 persona mientrastanto.  

  • Ex presidente di Peru Alan Garcia ta fayece despues di a tira su mes

    Ex presidente di Peru Alan Garcia ta fayece despues di a tira su mes

    LIMA – Ex presidente di Peru Alan Garcia a fayece diaranson mainta, despues cu el a tira su mes den cabez mas prome. Manera NoticiaCla a raporta inicialmente, Garcia su situacion tabata hopi serio despues di cu autoridad policial a haye den su cas cu un tiro den cabez. Tabata culpa Garcia den investigacion pa presunto soborno di e compania constructor Brasilero Odebrecht. Garcia tabata presidente di Peru durante dos termino, di 1985 pa 1990 y 2006 pa 2011.  Awe mainta ora cu polis a yega su cas, pa detene, el a opta pa tira su mes den su cabez. Potret cortesia EFE. 

  • Compania di aviacion charter di Hong Kong ta haya AOC di Aruba

    Compania di aviacion charter di Hong Kong ta haya AOC di Aruba

    ORANJESTAD/HONG KONG - Sonic Air, un subsidiario nobo di Hongkong Jet, a haya su Air Operator Certificate di Aruba, mientras e ta prepara pa su prome operacion desde cu el a keda forma na Maart di e aña aki. Sonic Air lo efectua buelonan charter cu un avion Boeing BBJ787-8 cu tin 40 pasahero.  

  • Ex presidente Peruano Alan Garcia a tira su mes den cabez

    Ex presidente Peruano Alan Garcia a tira su mes den cabez

    LIMA – Ex presidente Peruano Alan Garcia a tira su mes den cabez diaranson mainta. E ex mandatario tabata na su cas, algun rato prome cu e mester a keda deteni pa polis hudicial relaciona cu un caso vincula cu e escandalo Odebrecht, segun agencia di noticia AFP. “Awe mainta a sosode un accidente lamentable. E presidente a dicidi di tira su mes” abogado Erasmo Reyna a bisa na hospital Casimiro Ulloa na Lima. E hospital a bisa cu Garcia (69) tin un herida di bala den su cabez y e ta sumamente grave.  

  • Carga di container for di Merca pa Aruba ta bira mas caro

    Carga di container for di Merca pa Aruba ta bira mas caro

    MIAMI – Carga for di Merca pa Aruba ta aumenta. Por lo menos un compania popular di container Hamburg Süd a anuncia cu entrante 15 di mei 2019, un aumento general ta drenta na vigor pa tur carga cu ta bay di Merca pa Aruba, Bonaire y Corsou. E aumento ta di 50 dollar Mericano pa container di 20 pia, y 100 dollar Mericano pa un container di 40 pia. No ta conoci con esaki lo afecta cierto companianan local cu ta den negoshi di transporte pa Aruba.  

  • Powered by SETAR