- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Comerciantenan sospecha di soborno tabata den Ibis awe
ORANJESTAD – Un total di 4 comerciante sospecha di soborna ex minister Paul Croes, a presenta dilanti mesa berde diamars mainta den caso Ibis. Ta trata di comerciantenan cu ta sospecha di a paga minister pa e por a effecta e ‘ontheffing’ a cambio di pago of fabor. Comerciantenan cu a presenta tabata e.o. T.Chen di e.o. Cheng’s Supermarket, C. Liang, F LaToraca di Dushi Bagel, y Vasquez Gomez. Cada uno segun Ministerio Publico, mester a responsabilisa nan mes pa nan acto. Entre nan tambe tabatin e bode/chauffeur di e minister, R. Aparicio. Esun cu no a presenta tabata e comerciante Dalmyer, cu lo yega Aruba otro siman.
LIANG
E comerciante Liang ta wordo sospecha di a paga minister placa pa e por a haya ontheffing pa su trahadonan. Pruebanan usa contra Liang, ta entre otro yamadanan ‘getapped’, di cual a saca varios informacion afo. Entre nan, cu el a paga 1000 dollar a cambio di un of dos ontheffing. Sinembargo, segun Liang, el a paga 1000 dollar na e chauffeur di e minister (Paul Croes), como fabor pa su vacacion personal (esta di e chauffeur Aparicio). Aparicio ta refuta e acusacion y ta bisa cu el a pidi Liang pa cambia 1000 dollar pe. Ambos ta admiti pues cu tabatin 1000 dollar den wega, pero pa diferente motibo. Fiscal ta mustra cu esaki tabata 1000 dollar a cambio di ontheffing. Tanto Liang como Aparicio a splica Huez cu ta trata di un Amistad largo entre ambos y cu abase di esey, a haci e intercambio di placa.
CHENG
Den caso di comerciante T. Cheng, e tambe ta sospecha di a comete soborno a cambio di ontheffing pa trahadonan di su negoshinan. Cheng a admiti cu e tabata paga pa permiso, pero via di e tramitador F Filiciana, pero no cu e tabata haci cosnan directo cu e mandatario. “Semper Filiciana a yudami cu cuestion di permiso” Cheng a bisa Huez. Sumanan cu e tabata paga pa prome permiso, tabata 5000 florin, mientras cu pa cambio di firma esaki tabata 1500 florin. Ora cu Fiscal a puntra si no ta 5000 dollar (segun combersacionan cu tin graba), Cheng a desmenti y a bisa cu esaki ta florin y no dollar. Loke el a admiti ta cu el a haya hopi ontheffing pasobra enberdad e tabatin hopi negoshi pa cual e mester tabatin trahado. Segun Fiscal, durante e ‘inval’ na cas di e tramitador di permiso Filiciana, a haya envelope cu nombernan di hende y placa, riba cual tambe a topa cu nomber di Cheng. Cheng a admiti cu tabatin envelop y cu e mes a wak esaki.
LATORACCA
E comerciante F Lattoraca tambe ta sospechoso di soborno den e caso aki. E mes ta refuta e cargonan y a sigura Huez cu ningun momento el a paga minister pa ontheffing. Loke si el a admiti ta cu e ta(bata) amigo di e minister pa hopi aña, y cu el a app e mandatario pa ayudo di un trahado cu e kier a yuda. Aki ta unda cu segun Latorraca, e minister lo a bise pa e manda e informacion di trabou pa minister mes enbez di mande pa DPL. Huez a puntr’e si e mester a haci algo a cambio pa e mandatario, riba cual e comerciante a bisa no. Sinembargo, despues a resulta cu e mandatario a pidie pa yuda contribui cu carchi pa concierto di Pasco. Algo cu semper el a haci y e biaha aki tambe. Pa esaki el a paga 1000 florin pa 10 carchi. Segun e comerciante, ta puro coincidencia cu e pago di carchi y e ontheffing a bin pareu.
PAUL CROESE sospechoso principal di e caso, ex minister Paul Croes mientras cu el a admiti relacionan cu e comerciantenan, a bisa si cu e relacion cu ministerio publico ta link cu ne pa cu e ontheffing, no ta cuadra. Ta e liña cora cu Ministerio Publico ta usado den tur e casonan, pero cu no ta cuadra. Segun Croes, e Amistad cu e tin cu e comerciantenan ta cos di hopi tempo y no pasobra e ta minister. E pagonan di carchi di pasco, no tin nada di haber cu ontheffing, aunke cu Fiscal kier link cu ne. Alavez Huez tambe ta bisa cada bez cu ‘mester por compronde e relacion cu otro’, pero Croes ta mustra cu aunke cu tin ‘coicidencia’, den e caso aki esey ta meramente loke e ta den e caso aki. Keda pendiente pa mas informacion.
Ultimatum pa dicidi riba suma cu radionan mester paga DUCAPRO tur luna, a vence sin resultado
ORANJESTAD – E asosacion di radio na Aruba (Aruba Broadcasting Association-ABA) y e fundacion DUCAPRO (registro di derecho di artista y musica) no a haya otro ainda riba e suma cu radionan tin cu paga pa por tin derecho pa toca cierto musica na nan radio. Por lo menos, den forma inoficial ya cu ningun di dos partido ‘oficialmente’ a duna un reaccion. Conforme un caso sumario un luna pasa, huez a ‘suspende’ e caso y a duna partidonan te cu 24 di April (ayera) pa yega na otro riba e suma. Di otro forma, lo mester continua cu e caso y eventualmente dicta un sentencia, cu ta traduci na un suma stipula pa corte cu radionan mester bay paga DUCAPRO pa toca cierto cancionan na nan respectivo emisora.
Otmar Oduber: Testigo principal pa defensa den caso Flamingo no por declara dilanti Huez Comisario
ORANJESTAD – E testigo principal di parti defensa den caso Flamingo, den e caso aki, e hefe di BCI, lo no por declara dilanti Huez Comisario. Asina ex minister Otmar Oduber a declara publicamente diamars. Segun e ex mandatario, Huez Comisario a informa nan diabierna ultimo cu e motibo ta cu salud di e testigono ta permiti.
Corte: Caso ‘Isla di Oro’ ta sigui fin di luna awor, cu mesun huez
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
Corte a rechasa peticion di gobierno pa kita (wraak) huez di caso Isla di Oro
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
OM: Awor Aruba tin hende certifica den Terapia di famia multi dimensional
Abogado Gomez: Leynan pa castiga abuso di bestia, ta deficiente
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.
Follow NoticiaCla
