Parlamentarionan di Reino Hulandes convenci cu IPKO ta funciona bon

Parlamentarionan di Reino Hulandes convenci cu IPKO ta funciona bon

Posted on 01/11/2019 5:38 pm AST | Updated on 01/11/2019 6:24 pm AST

PHILLIPSBURG – E cuater delegacionan parlamentario cu e siman aki a participa na e reunionan interparlamentario di Reino Hulandes (IPKO) tabata satisfecho riba e logronan. Cada un di e lidernan di delegacion diabierna merdia a elogia e forma con e reunionan a bay. Algun rato tenso, pero en general un bon ambiente unda cu por a dialoga y te hasta na cierto momento, ta di acuerdo cu no ta di acuerdo riba cierto temanan. Na final a firma e lista di acuerdo cera durante e siman aki. 

LOGRONAN

Hulanda particularmente a keda impresiona cu e loke el a wak na St Maarten y con tur cos a desaroya sigur despues di un horcan cu a destrui gran parti di e isla, y pa e isla bounce bek te pa ta anfitrion di e reunionan e siman aki. Tur e lidernan di delegacion, incluyendo Paternotte di Hulanda a elogia e respet y forma con tur a trata otro, y Paternotte cu ta encarga cu e reunion na juni, a bisa cu e parlamentarionan ta invita pa ta presente den e reunionan di Tweede Kamer na juni, net prome cu e reunionan di IPKO tuma lugar, aunke (manera indica den un articulo anterior) nan no por vota (riba e tema e.o. di areglo di disputa). Presidente di IPKO e siman aki, cu tabata presidente di Parlamento di St Maarten, Sarah Wescott Williams tabata esun mas euforico cu tur, y orguyoso con IPKO a luci e siman aki y cu tur hende y isla a sali beneficia di e reunionan. Aruba y Corsou no a keda afor y a mustra cu nan ta sigui kere den IPKO, aunke cu tin cu ta pensa  cu no ta logra nada concreto y ta meramente ‘rek’ asuntonan di un reunion pa otro. 

TEMANAN TOCA 

Temanan toca entre otro ta e areglo di disputa, e situacion na Venezuela, e reconstruccion di St Maarten, cooperacion entre e islanan y Hulanda, e relacion di esaki, enseñansa y mas. Particularmente a dicidi cu lo usa e intercambio di informacion entre e paisnan di REino Hulandes, como forma pa keda informa y asina pone presion riba e respectivo gobiernonan pa yuda e islanan di Caribe Hulandes, particularmente Aruba y Corsou pa cu e problema di posibel influx di refugiado Venezolano. Lesa e relato completo y acuerdonan cera AKI. 

  • Bonaire ta conoce prome morto den trafico

    Bonaire ta conoce prome morto den trafico

    KRALENDIJK - Den oranan di atardi a drenta un notifikashon di aksidente ku herido grave riba Kaya IR Statius van Eps. Kaminda un auto a perde kontrol dal den palu di lus i boltu. Ambulans a transporta 2 viktima pa hospital pa trato mediko. Mas lat a drenta notifikashon ku e viktima J.N.J di 23 aña di edat a fayese a konsekuensia di e aksidente. Departamento di trafiko ta investiga e kaso. Forsa na e famianan den e momentu nan difisil aki ku perdida di nan ser keri.

  • Ex minister di Aruba ta maneha seguro medico general di islanan BES

    Ex minister di Aruba ta maneha seguro medico general di islanan BES

    KRALENDIJK – Despues di tabata minister di Finanza na Aruba den e gabinete anterior, Angel Bermudez ta den un funcion diferente awor, y a establece su mes na Bonaire como hefe di Zorg Verzekerings Kantoor (ZVK) cu ta manera e AZV di Aruba. Bermudez no ta un desconoci na Bonaire ya cu prome cu el a bira minister bek den e ultimo gabinete Mike Eman 2, e tabatin un funcion halto na belastingkantoor caba na Bonaire. Su funcion actualmente ta pone cu e ta maneha e seguro medico di tres isla, esta Bonaire, Saba y St Eustatius, conoci como islanan BES. 

  • Arubiano ta bay dirigi mercadeo di turismo di Bonaire

    Arubiano ta bay dirigi mercadeo di turismo di Bonaire

    KRALENDIJK – Un Arubiano ta bay dirigi e parti di mercadeo di Bonaire su turismo. Tourism Corporation Bonaire (TCB) a anuncia cu nan a apunta  Derchlien Vrolijk-Dijkhoff coomo e gerente nobo di mercadeo, ‘den cual tarea e lo yuda lidera e push turistico di Bonaire’. Su meta primordial lo ta pa traha hunto y di cerca cu e partnernan local y internacional, stakeholders y e comunidad local pa un crecemento gradual di turismo pa medio di  planificacion sostenibel y desaroyo’. Vrolijk, ta di Aruba y ta un veterano den turismo, unda cu e la yuda e.o,. Tiara Air y STINAPA. 

  • Barco di Marina Real a intercepta 470 kilo di cocaina

    Barco di Marina Real a intercepta 470 kilo di cocaina

    WILLEMSTAD - Den e anochi di 30 di juli 2019 e barco di Marina Real Zr.Ms. Groningen, cu na e momentu ei ta hasi trabou pa Warda Kosta, a coi un lote grandi di droga. Durante un patruya di e avion Dash di Warda Kosta na parti nort di e islanan ABC a mira un Go Fast. E helicopter NH-90 di Zr.Ms. Groningen a pone e boto para i a haña mas o menos 470 kilo di kokaina a bordo di e Go Fast.

  • Jandino ta propaganda Aruba cu anuncio di un break largo

    Jandino ta propaganda Aruba cu anuncio di un break largo

    ORANJESTAD – E conocido artista Jandino Asporaat ta tuma un break largo, y ta pasa esaki mas probable den Caribe. Esaki a bira noticia ora cu a tuma nota unda el a ubica esaki, esta riba su pagina di Instagram, cu tin miles di siguidornan y cu potretnan di Aruba, mescos cu ta e caso di celebridadnan deportivo recientemente, nan ta duna Aruba asina indirectamente e cobertura impagable. Jandino no ta specifica cu e lo pasa su periodo di 6 luna completo den Caribe, e islanan ABC, pero por asumi cu mirando cu e ta di Corsou, gran parti e lo por pase eynan. Den e caso di Jandino, e post tabata uno extensor splicando su motibo pa dicidi di tuma un vacantie largo, unda cu el a pone un potret di dje, saca na Aruba. Segun Jandino, cu recientemente tabata na Aruba pa su show ‘Judeska in de TBS kliniek’, e ta tuma un vacacion di 6 luna, pa asina e por tin energia durante cual e lo sigui skibi buki, pelicula y shows nobo. Su otro programanan ta pre graba caba, dus su ‘ausencia’ lo no wordo sinti riba television Hulandes. 

  • Zr.Ms Groningen a intercepta botonan go-fast cu droga y placa

    Zr.Ms Groningen a intercepta botonan go-fast cu droga y placa

    ORANJESTAD – E bapor Hulandes Zr.Ms. Groningen a intecepta un go-fast cu placa y droga, y a salba un bida. Tur esey den un siman di tempo. Asina e comunicado di Warda Costa ta bisa. Tabata riba e anochi di 10 di juli cu a intercepta e go-fast. Dos Frisc boto di De Groningen a para e go-fast. A intercepta 424 kilo di cocaine. A confisca e droga y detene e dos personanan na polis di St Maarten. 

  • Powered by SETAR