KPA: Fechanan y rekisitonan pa e temporada di campamento ta conoci

Posted on 01/11/2019 11:58 am AST | Updated on 01/11/2019 12:00 pm AST

ORANJESTAD - Relaciona cu Semana Santa caminda cu nos cuidadanonan tin e custumber di bai campa, Altocomisario di Polis, Sr. Andrew Hoo ta haci un jamada fuerte na nos campadornan pa tene cuenta cu e condicionan bao di cual e permiso ta wordo otorga.

E fecha riba cual nos campadornan por cuminsa campa ta Diadomingo 14 april  2019 pa 12'or di merdia. Kiermen riba e fecha y ora stipula ta permiti pa pone trailernan y tentnan riba nos beachnan.  Tur objeto cu wordo poni promer cu e fecha y ora stipula lo wordo kita pa polis.  E ultimo dia di campamento lo ta dia 28 april 2019. Despues di campamento tur obheto mester wordo kita for di beachnan. Si esaki NO sucede anto polis lo kita esakinan riba gasto di e campador. Un jamada ta bai na un y tur pa mantene nos beachnan limpi. Deposita tur desperdicionan den bari di sushi of den saconan di plastic.

Formulario pa pidi vergunning pa campamento ta obtenibel na administracion di Polis desde  dia 7 januari 2019 te cu dia 29 maart 2019 entre 08.00 pa 11.30'or y 13.00 pa 16.30'or. Formulario ta obtenibel na tur warda di polis.

Na e permiso a wordo añadi condicionan extra.. 

1.        Ariba e santo blanco di e beachnan bao ningun circumstancia ta wordo permiti pa haci B.B.Q., na otro parti solamente por haci B.B.Q. cu B.B.Q. pit di gas.

2.        Tentnan y trailernan cu ta wordo usa pa campa mester ta den bon condicion.  Nan mester wordo poni a lo menos 10 meter di e orilla di lama y nan mester wordo poni a lo menos 5 meter for di e caminda publico.  Si no nan ta wordo kita pa polis 

3.        Bao ningun forma ta wordi permiti pa reserva tereno pa campamento.

4.        Tentnan, trailernan y otro objetonan cu ta wordo usa pa campa no por wordo poni riba otro lugarnan cu ta e lugarnan cu ta destinan pa esakinan y cual lugarnan a wordo destina pa Gobierno.

5.        Den tentnan/trailernan mester tin suficiente recursonan pa loke ta trata dunamento di prome auxilio. (E.H.B.O.)

6.        Ta prohibi pa pone na tentnan/trailernan objectonan of plachinan cu no ta cuadra cu moralidad.

7.        E campamento mester sucede conforme e condicionan bao di cual e permiso a wordo otorga 

8.        Ta prohibi di core cu vehiculonan di motor, bicicleta, cabai y garoshi riba nos beachnan y principalmente na lugarnan caminda ta destina pa publico.

9.        Ta prohibi di pega candela riba nos beachnan.

10.     Ta prohibi di bende cuminda, softdrinks, mixdrinks, of cualkier otro tipo di articulo ariba beach sin permiso 

11.     Musica por wordo toca solamente fei den trailer of tent den siman te 10.00 p.m y den weekend te 12.00 p.m. y di tal manera cu otro campadornan no ta wordo molestia.  E uso di sound system/emplifiers etc. ta wordo permiti solamente si otro campadornan no ta sinti molester di esakinan 

12.     Ta prohibi pa kap mata, sin permiso.

13.     Ta prohibi pa core cu boto y pa ankra den zwemzone, tambe ta prohibi pa mara boto na boeinan cu ta destina pa scheepvaart 

14.     Ta prohibi e uso di pallet y carton riba beach, sino nan ta wordo kita door di polis.15.Ta prohibi pa usa e beach of e palo di coconan como toilet.

16.     Ta prohibi pa tin cabai y cacho riba beach 

17.     Ta prohibi pa e campadornan usa e hut nan pa nan campa, nan ta wordo laga liber pa e personanan cu ta bin pasa dia.

18.     Bao ningun circumstancia mag di susha e beachnan.

Botternan kibra, splinter di glasnan no mag di wordo laga atras riba beach, ni tampoco no tira esakinan den lama. Esaki ta conta pa desperdicio tambe 

19.     E permiso no mag di wordo pasa pa otro persona.

20.     E poseedor di e permiso mester tin esaki completo den su tent/trailer na un caminda visible pa polis 

21.     E poseedor di e permiso mester tene cuenta cu e tin solamente derecho riba e lugar di campa durante e tempo cu efectivamente e ta campando, prome cu esaki bo no mag di reserva, marca, pone cabuya ect ... 

22.     E poseedor di permiso ta keda responsabel pa cualkier daño na otronan debi na existencia di su tentnan/trailer of otro objeto. 

23.     Indicacionnan di Polis duna na interes di orden publico y seguridad di persona, bienes y basa riba moralidad mester wordo sigi estrictamente. 

24.     Ta prohibi pa usa e Hutnan pa campa, nan ta keda liber pa e usuarionan den dia. 

25.     Esun cu no actua conforme e condicionan bao di cual e permiso a wordo otorga ta wordo considera di a actua sin permiso. E permiso e ora ey ta wordo revoca y bo por haya un multa.

 ULTIMO DIA PA HACI PETICION PA CAMPA TA 29 DI MAART 2019

 

  • Turista Mericano ta hoga na Low Rise hotel

    Turista Mericano ta hoga na Low Rise hotel

    PALM BEACH - Awe diadomingo atardi pa 5:30 central di polis ta wordo notifica via AC cu un turista a haya problema den lama entre Aruba Beach Club y Manchebo. Na yegada di patruya a encontra cu personal di ambulance trahando cu e turista hende homber di nacionalidad Mericano. Lamentablemente no por a haci pa e turista y pa 6:20 dr Texier ta constata morto di e turista B.D.K. naci na Merca di 67 aña. Polis technico , recherche y slachtofferhulp a presente ne sitio di e sucedido . 

  • Accidente cu UTV den Parke Arikok

    Accidente cu UTV den Parke Arikok

    ORANJESTAD - Un turista masculino a perde control cu UTV diasabra atardi y a drenta mondi keda pega den matanan di hubada. E no tabata herida pero tabatin rascanan leve y no tabata kier ambulance atende cune. Polis di trafico a presenta pa tuma dato y e compania di UTV a saca e aparato for di den mondi.

  • Persona a guli awa y fayece na Dos Playa

    Persona a guli awa y fayece na Dos Playa

    ORANJESTAD - Diasabra pasa di 6:30 atardi autoridad a keda informa di caso di persona cu a guli basta awa den lama na Dos Playa y a keda saca di biaha pa personanan cu tabata eynan. A cuminsa cu reanimacion mientras cu autoridad tabata na caminda. Helicopter di polis a lanta y a busca personal di ambulance na Sta Cruz y bay cu nan pa e sitio, esta Dos Playa. Mucho no por a haci e situacion ya tabata malo di e persona debi cu a guli basta awa y a fayece. A notifica dokter cu a presenta na post di brandweer Tanki Flip. Na e sitio Dos Playa alto comisario tambe tabata presente pa e ta na altura di e situacion.

  • Edmard Lampe ta e di 7 morto di trafico

    Edmard Lampe ta e di 7 morto di trafico

    SAVANETA - E victima di accidente diasabra marduga a keda identifica. Vocero di polis Lito Laclé a informa cu e nomber di e di 7 morto di trafico ta Edmard J.Q. Lampe, nasi na Aruba 9 juni 1996. Diasabra 15 di juni 2019 pa 03.45 yamada a drenta via Central di Polis cu tin un accident basta grave na altura di La Granja. Na yegada ta bin constata cu den e accident tin un brommer y dos auto envolvi.  Cu maximo urgencia e motorciclista a wordo hiba pa hospitaal. 4.39 am dokter a constata morto di e motorciclista Lampe. Na e sitio chauffer di ambos auto a wordo getest y a resulta positivo pa ta bou influencia di alcohol y ta wordo deteni y hiba warda pendiente di mas investigacion.

  • Aruba ta conoce su di 7 morto den trafico

    Aruba ta conoce su di 7 morto den trafico

    ORANJESTAD – Aruba a conoce su di 7 morto den trafico. Diasabra 15 di juni 2019 pa 03.45 yamada a drenta via Central di Polis cu tin un accident basta grave na altura di La Granja. Na yegada ta bin constata cu den e accident tin un brommer y dos auto envolvi.  Cu maximo urgencia e motorciclista a wordo hiba pa hospitaal.

  • Chauffeur a bolter su auto dilanti Blue Residence

    Chauffeur a bolter su auto dilanti Blue Residence

    ORANJESTAD - Polis, ambulance y brandweer cu urgencia a keda manda diabierna anochi pa JE Irausquin Blvd net dilanti di Blue Residence unda auto a bolter. Polis ta yega topa cu e auto cu a dal den palo di luz. Tambe a haya un homber herida benta den e auto. Personal di ambulance y brandweer cu cautela a saca e victima for di den e auto. Polis di trafico presente a haci nan investigacion.

  • Powered by SETAR