Smac ta dedica eleccion di Prins y Pancho na Faritha Luidens ‘Tica Basha Abou’

Smac ta dedica eleccion di Prins y Pancho na Faritha Luidens ‘Tica Basha Abou’

Posted on 01/11/2019 11:16 am AST | Updated on 01/11/2019 11:18 am AST

ORANJESTAD - Diasabra awo ta eleccion di Prins y Pancho di Aruba su Carnaval 65 y SMAC hunto cu comision organisatorio a escoge Faritha Luidens como e persona pa dedica e evento na dje. Faritha a contribui grandemente pa 50 aña den nos cultura y durante su trayectoria a sac’a cara di Aruba den exterior den canto y comedia.  Hopi ta esnan cu ainda ta corda su famoso show na television ‘Tica Basha Abou’ den cual tabata presenta criticanan constructivo den un forma humoristico. Tica basha abou ta un di e personahenan mas grandi cu e la crea cu ainda ta hopi conoci.

Faritha a competi den varios festival di cual a gana ‘Voz di Oro’ na aña 1973 y na aña 1974, Faritha a gana Festifal ‘Voz Supremo’. Teatro tambe tabata un di su pasionnan. Faritha a actua como actriz principal den e comedia di Eligio Melford ‘Emanicipacion di hende muher’ cu ta un comedia cu a presenta 24 biaha cu sala ‘sold out’. Faritha a forma parti tambe di e grupo Masca Aruba unda e la presenta varios obra di drama y humor. Faritha ta celebra den 2019 nada mas y nada menos cu 50 aña den farandula y 22 aña como Tica Basha Abou y pa celebra esaki lo tin un show den cas di cultura dia 22 september proximo. SMAC ta kere cu Faritha merece tur elogio y gradicimiento pa su 50 aña den farandula y pa cu esaki ta honra Faritha y dedica eleccion di Prins y Pancho na su nomber.

Caarchi pa show por haya na Citgo Blvd y Citgo St. Cruz. 5 florin pa mucha y 10 florin pa 13 aña bay ariba. Eleccion di Prins y Pancho ta conta cu 3 participante infantil, 5 participante hubenil y 3 participante grandi. Aruba completo ta keda invita pa bin apoya nos muchanan y nos hobennan cu ta dunando di nan parti pa engrandece nos dushi Carnaval.

 

 

  • Fundacion Sea Bunita Sea Bo Mes Fashion Show 2019 un exito completo

    Fundacion Sea Bunita Sea Bo Mes Fashion Show 2019 un exito completo

    ORANJESTAD - Fundacion Sea Bunita Sea Bo Mes Fashion Show 2019 a resulta di ta un exito completo, diasabra ultimo den un Renaissance Convention Center completamente yen, na unda nos muchanan special a briya hunto cu nan celebridadnan riba escenario. Tur cos a cuminsa pa banda di 7.15pm na unda nos Prome Minister Evelyn Wever-Croes a habri desfile di e tapijt cora hunto cu su modelo special Johnisha Medina realisando su soño di wordo acompaña pa nos Prome Minister di Aruba. Asina tambe tur nos modelonan special a pasa ariba tapijt cora desfilando pa e gran show. Un bon show cu un bon programa hinca den otro cu di principio te final a luci fantastico. Mester bisa cu nos muchanan, hobennan y adultonan special a gosa y briya asina special ariba e escenario. Esaki nos por a tuma nota cu nan expresion di cara y cu un smile asina grandi transmitiendo e alegria cu ta brota di nan curazon. Palabranan di elogio pa e motornan tras di Fundacion Sea Bunita Sea Bo Mes cu ta sr. Hans y sra. Marienela Geerman cu a traha incansablemente pa logra e di 4 aña di e sublime show aki. Un pabien na e mayornan di tur nos dushi muchanan y hobennan special cu a yuda y laga nan yiu participa y na un y tur cu di un manera of otro a contribui pa haci e show aki exitoso.

  • Kiwanis Club Aruba y New India Assurance a lansa video nobo Don’t Text & Drive

    Kiwanis Club Aruba y New India Assurance a lansa video nobo Don’t Text & Drive

    ORANJESTAD - Kiwanis Club of Aruba y New India Assurance a lansa diaranson mainta dia 5 di juni e segundo video di e proyecto “DON’T TEXT & DRIVE”. E prome video a keda presenta den luna di februari, cu Korpschef di politiekorps, Sr. Andrew Hoo. E Presidente di Kiwanis Club of Aruba, Edalitza Weller,  durante e conferencia di prensa a elabora cu ya pa mas di 30 aña Kiwanis Club of Aruba tin diferente proyecto pa conscientisacion di siguridad den trafico na Aruba. Miembro di Kiwanis Club of Aruba y alabes “Chair” di Traffic Awareness Committee, Jo-Anne Arends y Kaveri Raghunath, Managing Director di New India Assurance a splica tocante e video aki.

  • 840 voluntario a participa den AHATA su limpiesa di costa

    840 voluntario a participa den AHATA su limpiesa di costa

    ORANJESTAD - Aruba Hotel & Tourism Association (AHATA) a organisa e di 18 edicion anual di limpiesa di costanan rond di Aruba. Esaki tabata na honor di Dia Mundial di Medio Ambiente y Dia Mundial di Oceano. A conta cu participacion di companianan miembro di e asociacion, diferente scol, y individualnan cu a bini hunto pa yuda haci limpi na un total di 14 area. 

  • Fundacion Bernadina cu e di 7 festival di canto diasabra awor na Brazil

    Fundacion Bernadina cu e di 7 festival di canto diasabra awor na Brazil

    BRAZIL - Miembronan di fundacion Bernadina Growell-Kock a invita un y tur pa e di 7 Festival di canto dedica na mama di Cultura Bernadina Growell-Kock recientemente. Representante di e fundacion Mervin Ras a trece padilanti cu e festival lo tuma lugar diasabra awor dia 8 di juni venidero anochi di 8pm-1 or am den Centro di Bario Brazil. 

  • S.A.B.A. Oranjestad y Rotaract Club a presenta un show di moda

     S.A.B.A. Oranjestad y Rotaract Club a presenta un show di moda

    ORANJESTAD - En connexion cu  celebracion di dia di Mama, Stichting Algemene Bejaardenzorg Aruba y Rotaract Club of Aruba a percura pa un anochi diferente y dibertido pa e habitantenan di S.A.B.A. Oranjestad. 

  • “Around the World with Flight RCA 2019” Fundraiser anual di Cruz Cora Aruba

    “Around the World with Flight RCA 2019” Fundraiser anual di Cruz Cora Aruba

    DAKOTA ? Falta dos siman y mei pa e fundraiser anual di Cruz Cora Aruba, y preparacionan ta den ful swing. E invitado lo yega Aruba Surfside Marina y lo sinti mesora e gana di bai riba un biahe!  E aña aki, e team a bin cu un tema algo diferente. “Around the World with Red Cross” ta duna tur hende e oportunidad di expresa su deseo pa biaha, sea ta cu un toke di un destinacion preferi, of por join e crew di avion. Manera semper, tur hende cu kier join bisti cu algo inspira pa e tema, ta bon bini.  Por wak ideanan leuk riba Facebook page di Red Cross Aruba.

  • Powered by SETAR