Ta paga reparatietoeslag pa pensioen di AOV/AWW otro luna

Ta paga reparatietoeslag pa pensioen di AOV/AWW otro luna

Posted on 01/11/2019 10:40 am AST | Updated on 01/11/2019 10:41 am AST

ORANJESTAD - Entrante prome di januari 2019 Gobierno a introduci un cambio den e ley di ‘Reparatietoeslag”. E cambio aki ta encera cu no tur pensionado cu ta ricibi AOVof AWW di SVb lo sigui ricibi e reparatietoeslag. E ley di repatarietoeslag ta encera e definicion di ken ta bin na remarca pa ricibi esaki. Na prome lugar e persona cu ta cobra e Pensioen di AOV/AWW cu ta registra na Regsitro Civil di Aruba (Censo) pa bin na remarca pa cobra e reparatietoeslag, banda di esaki tin algun exigencia mas bon defini. 

Un persona cu su unico entrada ta un pensioen di SVb, sea AOV of AWW tin derecho riba e reparatietoeslag di Afl 125.= pa luna. 

Si un persona ta ricibi un pensioen di SVb pero e tin un entrada adicional, e suma di su pensioen y e entrada adicional aki no por ta mas Afl 1.132,= pa luna. Den caso cu e suma di e entradanan ta mas halto e no ta bin na remarke pa e reparatietoeslag. 

Pareha cual ambos tin edad di pensioen cu ta ricibi e pensioen pa pareha di SVb ta bin na remarka den caso cu no tin entrada adicional, of den caso cu tin entrada adicional pa un pareha y cu esaki no ta pasa e suma Afl 1.132,- pa luna. 

Den caso cu ta ricibi e pensioen pa pareha di SVb, pero un partner no a yega edad di pensioen ainda, e partner aki no ta bin na remarke pa ricibi e reparatietoeslag. Asina SVb ta enfatisa cu e suma total di entrada di un pensionado cu extra entrada ta defini si e persona ta bin na remarca pa cobra e reparatietoeslag. Ta pesey ta importante pa  tene bon na cuenta e diferente scenarionan. 

E suma di e reparatie toeslag pa un persona cu tin derecho ta di Afl 125,= pa luna. Aplicacion di e ley aki lo ta den luna di februari proximo. SVb lo inclui e suma di Afl 125,= pa esnan cu tin derecho riba dje den e pensioen cu ta wordo paga riba prome di februari 2019. Pa por ehecuta e cambio aki conforme e ley menciona, lo uza dos diferente fuente. SVb ta autorisa pa uza informacion di Departamento di Impuesto y di SVb su mesun registro di trahado pa determina ken tin derecho riba e reparatietoeslag. Den caso cu un pensionado ricibi e reparatietoeslag sin cu tin derecho riba esaki, tuma contacto inmediatamente cu Departamento di Pensioen na telefon 5272760 of email na [email protected]

 

 

  • Emisora Bo Guia 88.9 ta solamente online por lo pronto

    Emisora Bo Guia 88.9 ta solamente online por lo pronto

    PALM BEACH - E emisora BO GUIA 88.9 ta pidi su oyentenan pa e dianan aki scuche online riba boguiafm.com pa nan programacion diario. “ Nos no ta riba e frequencia di FM pa motibo technico na nos zender occaciona pa cable storing di ELMAR” propietario Mimi Rosel a bisa NoticiaCla. “Nos ta pidi oyentenan nan comprencion pa esaki y cu poder di DIos pronto nan lo ta bek riba FM. 

  • Elmar: Contratista a kibra kabel di tension halto, cu a pone coriente bay

    Elmar: Contratista a kibra kabel di tension halto, cu a pone coriente bay

    ORANJESTAD – Un contratista a kibra kabel di tension halto, cu a pone coriente bay. Asina Elmar a bisa diabierna atardi relaciona cu e coriente cu a bay mainta. Segun Elmar, awemainta 14 di juni alrededor di 10’or tawatin un interupcion den e suministro di electricidad den e area di Oranjestad.

  • Trahadornan di Trai’ Merdia ta den protesta contra minister

    Trahadornan di Trai’ Merdia ta den protesta contra minister

    ORANJESTAD – Trahadonan di Trai’ Merdia diabierna mainta a drenta den accion contra maneho di minister di enseñansa Rudy Lampe. Nan ta protesta e cambionan cu e mandatario kier introduci. E problema ta cu e mandatario kier cambia e contenido di e programa, dunando esaki un otro bachi, pero cu ta algo cu e trahadonan, leidsternan aki no kier tende. Como tal a dicidi di protesta na Parlamento unda cu lo kier duna un manifiesto na gobernantenan. 

  • Varios parti di Oranjestad ta sin coriente diabierna mainta

    Varios parti di Oranjestad ta sin coriente diabierna mainta

    ORANJESTAD – Varios parti na Oranjestad no tin coriente diabierna mainta. NoticiaCla a haya informacion di vocero di WEB Asja Dongen, cu e problema no ta cerca nan. Di parti di Elmar a compronde cu nan ta buscando e origen di e problema. Varios parti pues ta sin coriente awe mainta. Keda pendiente pa mas informacion. 

  • Juliana School, Ceque College y La Salle cu miho resultado inicial di examen

    Juliana School, Ceque College y La Salle cu miho resultado inicial di examen

    ORANJESTAD – Resultado pa 10 scol MAVO ta conoci. Segun informacion cu NoticiaCla a ricibi, ta mustra cu pa e prome tanda di examen, Juliana School, Ceque College y La Salle College a haya e porcentahe di 83%. E otronan cu tin resultado ta Filomena College y Mon Plaisir College a haya 82%, Colegio San Antonio 75%, Abraham de Veer School y John Wesley College 72%, Maria College y Colegio San Agustin 70%. Awor ta cuminsa e di dos tanda, pa despues por haya e resultado final di examen. Potret ta screenshot di Ceque College Mavo Facebook. 

  • Aruba Airlines a ricibi nan propio avion CRJ-200 awe tardi

    Aruba Airlines a ricibi nan propio avion CRJ-200 awe tardi

    ORANJESTAD – Aruba Airlines a ricibi nan avion propio, e CRJ 200 fabrica door di e compania Bombardier diahuebs atardi.  E tin un capacidad di 50 asiento y garantiza un compartimento di ekipahe mas espacioso cu e actual CRJ, pa acomoda 50 maleta di size normal na un peso di 23 kg cada uno. 

  • Banco Di Caribe viajes
  • Powered by SETAR