Brown: Tur hende kier un pida di Xander Bogaerts pero no sa kico ta kico

Brown: Tur hende kier un pida di Xander Bogaerts pero no sa kico ta kico

Posted on 01/10/2019 6:07 pm AST | Updated on 01/10/2019 6:07 pm AST

ORANJESTAD – E fundacion Dare to Dream Foundation ta percura pa asisti hobenan pelotero cu mester di un ‘push’, y tambe ekiponan cu material y asistencia. E presidente di e fundacion, mama di e pelotero professional Xander Bogaerts, Sandra Brown a splica e situacion di e fundacion, y mes momento clarifica varios asunto cu tin eyfo rond di Xander Bogaerts. For di tempo cu Xander a haya ‘fama’ internacional, aki na Aruba el a bira un ‘hot item’, pero cu no tur ora por complace tur hende, y durante firmamento di e deal cu ATA pa usa e imagen di Bogaerts, e mama a contesta preguntanan di NoticiaCla riba esaki y mas. 

DARE TO DREAM

E fundacion a lanta na 2013 ora cu Xander Bogaerts a gana serie mundial cu Boston Red Sox prome biaha y cu el a cuminsa bira algo. E momento ey el a bira un pelotero grandi y e mama a dicidi pa haci algo bek pa Aruba. Inicialmente a haya un sponsor, cu por a cuminsa lanta e fundacion, pero despues tur fondo di e fundacion ta bin directamente di Xander Bogaerts mes, segun e mama a sigura NoticiaCla. Miles di florin ta bay den ekipo, asistencia y mas pa varios pelotero, biahe pa nan topa Scoutnan na Corsou y asina tin un sin fin cu e fundacion ta haci pa por  logra haci soño realidad di nan. Segun Brown, ora cu su dos yiunan morocho (Xander y Jair) a lanta den e mundo ey, nan tabatine hopi dificil y no tabatin e ayudo ey cu awe e fundacion ta brinda. 

CARACTER

Mientras cu e meta principal di e fundacion ta pa yuda hoben peloteronan cu material y asistencia tecnico, Brown kier pa nan tambe haya entrenamento di character. Con pa ta serio y respetuoso, pasobra esey ta hopi importante den e carera di un pelotero professional. E forma con hobenan awendia ta papia y intercambia cu otro, no semper ta e forma mas netchi y corecto y Brown kier pa coregi esaki. E ta pensando pa tin un tipo di opvang despues di scol pa por yuda e muchanan aki tambe. Tur esey e fundacion kier bay haci. Ora cu a firma Xander y su ruman Jair, nan tabata riba un trip largo na Merca pa yega na e lugar di firma nan, y durante e trip ey, e agente a papia hopi cu nan. Un di e cosnan cu mas a resalta ta cu a pidi pa nan ta sensato, respetuoso y bon. Esaki pasobra mientras cu tin hopi pelotero cu ta professional y bon den nan trabou, hopi ekipo no kier nan pa nan character dificil y arogante y brutal. Como tal mester traha riba esaki y Brown kier pa esaki bira un part di e ayudo cu e fundacion ta duna. 

TERENO

Tin hopi mas pa bay pero asina mes nan ta yudando awor. E critica cu tin tereno di baseball cu ta hiba e nomber di Xander pero no ta den bon estado, e mama a bisa cu ta algo cu nan no por haci nada. Ta parse cu e ta un tereno di famia y esey no por mishi cune pa motibonan familiar. Ademas, burocracia ta haci cu nan a purba haci mas pa p.e. desaroya un tereno di baseball mihor posibel y financia esaki. Pero nan (ainda) no a haya e ayudo logistico. Aki nan ta papia di p.e. un tereno, riba cual nan por traha un stadion pa e muchanan practica e deporte. ‘Un minister’ lo a priminti algo, pero ta wardando pa wak kico esaki lo bira. 

TUR HENDE KIER PIDA DI XANDER

Tin algun instancia, fundacion y organisacion cu no ta mucho content cu Xander Bogaerts, pasobra nan no a haya e atencion di dje, y of lo a keda rechasa pa ayudo. NoticiaCla a puntra kico ta e caso aki, y e mama a splica cu ‘tur hende kier un pida di Xander’. Pero no tur ora por cumpli. A clarifica mesora tambe cu tur e peticionan no ta wordo atendi pa Xander mes, pasobra e mes no tey, sino cu ta e fundacion ta atende cu mayoria di e peticionan. Pero debi cu e mama tabata traha, no tabatin hopi tempo pa atende tur hende of tur hende corecto. Pesey hopi hende sea no tabata haya contesta liher, of no tabata haya contesta. Y otronan tabata haya tende cu no por awor. Pero tur esey segun e mama tin motibo. Tabata pidi Xander pa tur cos cu tin biaha e mama tabata bisa ‘ban ta serio’. Segun Brown, si tende tur loke hende tabata kier pa Xander ta envolvi cune y haci, e tabata puntra su mes con esey por ta. Hendenan cu a haya un firma, kier mas firma. Hende cu a haya petchi, kier mas petchi. Hende cu a haya entrevista tur aña, kier sigui haya entrevista. “Duna otro hende chens noh!” e mama tabata sigui bisa. Awor cos lo cambia, pasobra awor e mama a bay cu VUT, pues lo dedica tur su tempo na e fundacion y posiblemente tur hende lo por haya un contesta mas liher riba nan peticion. Pero, claro cu e peticion mester cuadra si cu algo cu por cumpli cune y no algo cu ‘no ta make sense’. A pidi pa no tuma Xander na malo, pasobra e mes no ta envolvi den esaki. 

FINANCIA PROYECTO

E pensamento cu Xander Bogaerts por y mester financia proyectonan na Aruba, ta un pensamento robez. Si compara e status financiero di  Xander Bogaerts cu otronan manera p.e. Andruw Jones y Kenley Jansen, Xander no ta na e nivel ey ainda segun e mama. Pesey no a haci e tipo di gestonan asina ainda. 

  • Dienst Huur- en Consumentenzaken ta alerta consumido riba movecion observa na Aruba

    Dienst Huur- en Consumentenzaken ta alerta  consumido riba  movecion observa na Aruba

    ORANJESTAD -  Dienst Huur- en Consumentenzaken (DHC) diahuebs a alerta tur consumido di un compania cu ta brinda servicio den e area consultorio y servicio financiero cu posiblemente ta mal informa consumidonan tocante e obhetivo di e compania. E compania aki ta actuando como specialista den seguro of profesional den ley mientras cu nan no ta autorisa pa duna servicio ariba e tereno aki. Nan lo ta acerca victimanan di accidente di un vehiculo di motor na momento cu esaki ta confundi, agita of posibelmente herida y ta trata di obtene informacion priva di e victima, cu e meta pa asegura representacion y cobra compensacion pa e servicio aki na e compania di seguro.

  • DIMP: Ta pidi automobolistanan controla nan plachi di number

    DIMP: Ta pidi automobolistanan controla nan plachi di number

    ORANJESTAD – Manera conoci Departamento di Impuesto a otorga mayoria di e plachinan di number di an?a 2019 na e contribuyentenan cu a paga e impuesto di nan vehiculo di motor. Ta un periodo sumamente druk den cual a otorga mas di 60.000 plachi. Prome cu otorga e plachinan, esakinan ta wordo controla debidamente. A pesar di e controlnan menciona, por sosode cu un contribuyente a ricibi un plachi di number cu no ta di dje. Den e caso aki, Departamento di Impuesto ta pidi tur contribuyente automobilista pa controla e plachinan di number y verifica si e number ta corecto. Si acaso e number no ta pertenece na bo, ta pidi pa e entrega e plachinan bek na Departamento di Impuesto pa asina percura pa e contribuyente ricibi e plachinan cu su number corecto.

  • Un ley cu Aruba tin cu pasa, lo kite di e lista preto di Union Europeo

    Un ley cu Aruba tin cu pasa, lo kite di e lista preto di Union Europeo

    ORANJESTAD – Aki 6 siman Aruba tin cu demonstra na Union Europeo cu nos isla tin sufficiente mechanismo pa bringa e fenomeno di ‘tax haven’, esta crea un paraiso fiscal pa comercio. Pa haci esaki, gobierno mester pasa un ley mas tarda otro luna, cu ta ‘clear’ nos isla di e problema ey. Ora cu NoticiaCla a publica e primicia di cu Aruba a aparece atrobe riba e lista preto, Gobierno a admiti cu ta pa ‘falta di tempo y capacidad’, no a logra pasa e ley pero no ta pa motibo di prioridad robez. 

  • Pa augustus 2019 tur casnan di cuido mester tin permiso

    Pa augustus 2019 tur casnan di cuido mester tin permiso

    ORANJESTAD – Pa augustus 2019 tur casnan di cuido mester tin permiso. Asina minister di Salubridad Publico sr. Dangui Oduber a duna di conoce. Y e permiso ta obligatorio. E proceso pa haya e permiso aki despues cu manda un peticion aden lo bay relativamente lihe segun e Minister. Esaki ta pa motibo cu lo haci uzo di e systema di “Fast Track”.

  • (DNM) tambe ta forma parti di Milieu Samenwerkingsteam (MST)

    (DNM) tambe ta forma parti di Milieu Samenwerkingsteam (MST)

    ORANJESTAD - Na final di 2018, a establece un acuerdo di colaboracion entre diferente departamento di gobierno cu ta concerni cu e topico di Medio Ambiente. E team ta hiba e nomber di Milieu Samenwerkingsteam (MST). MST ta consisti di siguiente departamentonan: Korps Politie Aruba (KPA), Bureau City Inspector (BCI), Directie Volksgezondheid (DVG), Dienst Techniesche Inspectie (DTI), Serlimar y di DNM. E acuerdo entre e departamentonan ta pa conhuntamente trata e tantisimo casonan di keho cu ta drenta na tur e departamentonan menciona y relaciona cu asuntonan di Medio Ambiente.

  • Convenant entre Ministerio Publico y Universidad di Aruba tocante stagiaires

    Convenant entre Ministerio Publico y Universidad di Aruba tocante stagiaires

    ORANJESTAD - Ministerio Publico y Universidad di Aruba a cera ayera diamars 19 di maart un convenant tocante stagiairenan.    Procurador General Alexander van Dam y mr. dr. Ruth Bonnevalle-Kok, wetenschappelijk hoofdmedewerker Straf-en Strafprocesrecht na Universidad di Aruba, a firma e convenant aki.  E acuerdo di cooperacion aki entre Ministerio Publico y Universidad di Aruba tin como meta pa reforza e relevancia di enseñanza y investigacion pa nos comunidad.  E ta crea oportunidad pa studiantenan excelente di Universidad di Aruba.  Cu e convenant aki a haci afspraaknan tocante coremento di stage na Ministerio Publico y tanto Universidad di Aruba como Ministerio Publico ta look forward na continua cu esaki. 

  • BCD1
  • Powered by SETAR