Thijsen: Diferencia di opinion den Reino ta menasa bon entendimento entre e miembronan

PHILLIPSBURG – E diferencianan di opinion riba nivel di Reino entre paisnan den Reino ta menasa di interumpi e bon entendimento entre e miembronan di Reino. Mester ta hopi cla cu esaki no por sosode. Asina presidente di parlamento di Aruba Juan ‘Ady’ Thijsen a bisa durante su discurso diamars durante e aperture di IPKO na St Maarten. Thijsen a toca varios tema durante su discurso, entre cual e parti aki di REino. “E plenitude di cada parti di Reino mester keda respeta y desde di e respet mutuo ey, nos mester lidia cu e temponan cambiante” Thijsen a bisa. Thijsen tabata hopi cla den su disertacion y a mustra cu manera indica na Den Haag den pasado caba, riba material importante, mester dicidi hunto y asumi e responsabilidad. E ta referi riba e tema di areglo di disputa cu ta sigui ta un problema pa Hulanda. Na final, el a usa un dicho na Ingles, “Change is a process and it is inevitable”, esta Cambio ta un proceso y e ta inevitable. Pues cu Hulanda mester compronde esey y acepta esaki tambe. Lesa e discurso completo AKI.