Minister Oduber: Cuerpo policial carga responsabilidad cu a caba cu carnaval

ORANJESTAD – Cuerpo policial mester carga su responsabilidad cu a caba cu carnaval. Esaki ta pensamento di minister Otmar Oduber diasabra mainta na NoticiaCla.com. Segun e mandatario, e no ta nada contento. “Absolutamente cu no. Y no ami so. Henter gobierno” Oduber a bisa, indicando cu “aparentemente no tin respet ni pa gobierno” Oduber a sigui bisa. “Hopi cla, gobierno a duna di conoce na cuerpo policial, cu mester wanta cualkier dunamento di permiso te ora cu caba di haya e consehonan necesario. Pa loke ta su proximo paso, e no kier a duna mas comentario e momentonan aki. Loke si NoticiaCla.com a compronde cu e mandatario ta pone un punto tras di e asunto aki.

Fuera di esey, NoticiaCla.com a compronde cu e gruponan uni, tambe ta hopi disgusta y cu nan a splica NoticiaCla.com cu nan ta formulando un carta y un conferencia di prensa pa anuncia cu nan no ta participa mas na carnaval 61, debi na nan malcontento con cos a bay y cu toch SAC a haya permiso pa sigui cu carnaval.