Emocionnan halto na IPKO a pone cu a suspende reunion riba prome dia

PHILLIPSBURG – Riba e prome dia di reunion interparlamentario di Reino Hulandes (IPKO), dado momento emocionnan a bay halto pa cual mester a ‘schors’ e reunion y a yama un ‘presidium’ urgente. Informacionnan cu NoticiaCla tin, ta mustra cu dado momento e parlamentario di VVD, Andre Bosman a hiba palabra, y mesora representanten di Corsou y St Maarten a cay aden. Bosman, manera ta conoci, kier a presenta su concepto di ley cu ta facilidad St Maarten y Corsou pa ‘bula afo’ si nan no kier forma parti mas di Hulanda. Y el a bisa cu durante di IPKO e lo presenta esaki. Bosman a trata e punto cu ta responsabilidad di cada pais pa atende nan asuntonan, y cu for di 2 aña pasa el a indica e problema aki. Ey ta unda cu e dos islanan di Caribe Hulandes a cay aden y a cuminsa henter e asunto.  Informacion cu e portal aki a ricibi, ta cu e parlamentario Hulandes no tabata nada contento cu loke a sosode. Awe tabata e prome dia di reunion, cu ta dura te cu diabierna awor na St Maarten.