Structura di hero ta cay for di flatbom y causa daño na auto y caminda

ORANJESTAD – Un structura di hero cu tabata wordo transporta pa un compania di transporte diamars net prome cu merdia na altura di unda tabata Bushiri Hotel, a cay riba caminda, lagando destruccion riba tanto e caminda di asphalt como dos auto. Con esaki a sosode exactamente no ta conoci, pero testigonan ocular a splica cu e structura di hero a los y cay derepende riba caminda riba Eagle, borando den e asphalt y a alcansa dos auto causando daño na nan.