Aruba, St Maarten y Corsou tin consensus riba ‘areglo di disputa’ na St Maarten

Aruba, St Maarten y Corsou tin consensus riba ‘areglo di disputa’ na St Maarten

Posted on 01/8/2019 10:16 am AST | Updated on 01/8/2019 10:17 am AST

PHILLIPSBURG - Aruba, St Maarten y Corsou tin consensus riba ‘areglo di disputa’ na St Maarten. Asina miembro di delegacion di Aruba Rocco Tjon a informa for di St Maarten. Manera ta conoci, parlamentarionan di Sint Maarten, Corsow y Aruba a reuni pa prepara topiconan di interes comun pa Reino Hulandes.E delegacionnan a conclui cu e "geschillenregeling" cu gobierno Hulandes a entrega no a tene cuenta cu e puntonan di salida cu e 4 Parlamentonan di Reino a fiha.

CORTE CONSTITUCIONAL

E presidente di e corte constitucional na Sint Maarten Bob Wit a duna un presentacion amplio di nan tarea y con e instituto aki por mitiga conflictonan den Reino. Interesante ta cu e comishon Hulandes cual mester conseha riba cambionan di e constelacion Parlamentario tambe a señala cu un corte constitucional ta beneficioso. Aworaki ta asina cu na Hulanda un huez no por dicta si un ley ta empugna cu constitucion Hulandes.

GESCHILLENREGELING

Dos empleado publico Hulandes di e Ministerio di Asuntonan di Reino a duna e miembronan di Parlamento di e paisnan Caribense un splicashon di e "geschillenregeling". Sinembargo nan no por a contesta dikon no a mantene na palabracionnan hasi den pasado.

PA CONCLUI

E debatenan durante IPKO cu e delegacion Hulandes riba e topiconan menciona lo bira interesante. Aruba, Corsow y Sint Maarten ta di opinion cu e tres puntonan di salida cual Hulanda tambe na mei 2018 ainda a ratifica den un carta dirigi na e secretario di Estado mester wordo respeta. Ora tin conflicto den Reino entre dos pais ta importante pa 1) un organo imparcial dicta riba esaki, 2) e "oordeel" mester ta uno final (bindend) y mester trata conflictonan huridico. Ta interesante pa wak si e Parlamento Hulandes tambe ta keda riba e mesun punto di salida cu nan a fiha te cu mei ultimo ainda.

  • Ultimo debate politico prome diabierna prome cu eleccion di Bonaire

    Ultimo debate politico prome diabierna prome cu eleccion di Bonaire

    KRALENDIJK - Djabierne awor e kompania Boneriano SAGE B.V. huntu cu fundacion IDEA ta presenta e debate final “Desishon 2019” entre tur 8 partido cu ta participa na e eleccion di 20 di maart benidero.  E debate aki lo keda transmiti cuminsando 9’or di anochi, via di e canalnan di television Dutch Caribbean TV y TVDirect Corsou, i tambe via di radio Breezy FM. Por sigui e debate tambe bibo y directo via di Facebook.

  • Centenares di Venezolano cu a huy pa St Maarten, no tin risico pa wordo deporta

    Centenares di Venezolano cu a huy pa St Maarten, no tin risico pa wordo deporta

    PHILIPSBURG – Un total di 600 Venezolano a huy bay di Venezuela y busca nan destino na St Maarten. Nan ta kedando illegal, pero no tin miedo di keda deporta pa autoridad. Asina e partner di noticia Caribisch Netwerk ta raporta. Un grupito ta puntra gobierno si pa ayudo urgente pa legalisa nan estadia tanten cu Nicolas Maduro ta na poder na nan pais.  

  • Embahador Aleman na Venezuela expulsa y declara non grata

    Embahador Aleman na Venezuela expulsa y declara non grata

    CARACAS – E embahador Aleman staciona na Venezuela, Daniel Martin Kriener a keda expulsa di Venezuela y a haya 48 ora pa bandona e pais. Mes momento a considere persona ‘non grata’. Motibo duna, ta cu el a viola e tratado di convencion di Vienna cu ta stipula cu un diplomatico di un pais externo, no por mete den asuntonan interno di un pais. Y segun e gobierno di Nicolas Maduro, Kriener tabata envolvi cu e yegada di e presidente interino Juan Guaidó na su yegada bek na Caracas dialuna ultimo. 

  • Parlamentario Heyliger di St Maarten suspende di Parlamento

    Parlamentario Heyliger di St Maarten suspende di Parlamento

    PHILIPSBURG – Parlamentario di St Maarten Theo Heyliger a keda oficialmente suspende di Parlamento, despues cu a prolonga su detencion diabierna ultimo cu 8 dia mas. E parlamentario ta wordo sospecho di soborno entre otro. Di otro banda, miembronan di Parlamento di St Maarten ta sigui reuni, aunke e reunionan por wordo considera illegal y no valido. Articulo 45 di constitucion di St Maarten ta bisa cu Parlamento ta consisti di 15 miembro. Articulo 50 ta stipula cu ora cu un Parlamentario ta den detencion preliminar, e ta suspende automaticamente di Parlamento, pero no ta perde su asiento te ora cu e keda sentencia. Problema awor ta cu Parlamento parse di no sa con pa sigui awor, aunke cu regla ta determina ken tin cu sigui awor na lugar di Heyliger. E persona ey ta Jules James. 

  • Parlamentario Heyliger a keda traslada pa prison na Bonaire

    Parlamentario Heyliger a keda traslada pa prison na Bonaire

    PHILLIPSBURG – Parlamentario di St Maarten Theo Heyliger a keda traslada pa prison na Bonaire diabierna atardi, for di e prison di warda di polis den e capital Phillipsburg. Esaki despues cu mas prome den dia su detencion a keda prolonga cu 8 dia. Vocero di Ministerio Publico Roderick Gouverneur a confirma esaki pa NoticiaCla diabierna atardi. A detene e Parlamentario un siman prome, y ta sospech’e di e.o. soborno den e caso Larimar. Motibo di e traslado ta pasobra e prison di Point Blanche a yega su maximo capacidad di detenido.  

  • Aeroliña Caribense LIAT tin fondo pa opera pa solamente 10 dia mas

    Aeroliña Caribense LIAT tin fondo pa opera pa solamente 10 dia mas

    ST JOHN’S – E aeroliña Caribense cu base na Antigua  Liat (Leeward Islands Air Transport)  tin placa pa bula solamente 10 dia mas. Si e no haya un injeccion financiero awor di por lo menos 5 miyon dollar, e tin cu para su operacion. Asina e portal di Trinidad  CNC3 ta raporta. E intencion ta pa Caricom intervene pa evita final di e aeroliña inter Caribense. Un total di 7 isla Caribense ta doño di e aeroliña cu tin un flota di 10 avion. E problema ta cu e aeroliña ta bulando rutanan no economico cu carga cu ta hopi subsidia. Pa e aeroliña continua bula e rutanan ey, e destinacionan en cuestion tin cu garantisa un fluho di entrada minimo, sino ta para e rutanan ey, segun prome minister di St Kitts. E aeroliña a wordo funda na October di 1956 y ta conta cu 667 empleado riba varios isla. 

  • Powered by SETAR