Wever: Gobierno no ta esun pa sanciona comerciante cu abusa di prijs

ORANJESTAD - Gobierno no por sanciona e comerciante cu viola of abusa di e prijsnan awor cu tin un reforma fiscal. Asina prome minster Evelyn Wever Croes a bisa NoticiaCla. Tin informacion cu varios negoshi/comerciante ta violando e leynan, y ta cobrando sumanan extraorbitante pa cierto articulo of producto. Pero e ta keda un escogencia di consumidor pa ‘sancciona’ e comerciante/ negoshi ey. Esaki debi cu tin un economia liber, cu ta haci cu no por tin control riba esaki. E unico control cu gobierno tin ta riba productonan di canasta basico, manera pan y otro productonan di prome necesidad. E no ta kere cu den e bida aki, e lo mira cu alcohol y cigaria lo bira parti di esey. Pues ta keda na e consumidor con nan ta sanciona e negoshi/comerciante cu ta ‘abusa’ di e ley. Loke si Wever a remarca ta cu tin negoshi cu ta abusando riba cierto productonan cu no ta cay den e reforma fiscal, pero ta simplemente usando esaki como excusa. Algo cu no por segun Wever.