Bommelding na aeropuerto di Aruba diadomingo anochi

ORANJESTAD – Diadomingo anochi polis a confirma cu pa pa 7:03pm central a haya notificacion di un bommelding na aeropeurto di Aruba Reina Beatrix. Segun vocero di polis Lito Laclé, a pone autoridad competente na altura, pero no tabatin mucho mas informacion ainda. Normalmente ta tuma e precaucion manera posiblemente cera aeropeurto of parti di dje, y tambe si mester, cera acceso di caminda pa aeropuerto. Luna pasa tabatin un bommelding caba, haci door di un pasahero Hulandes, cu a keda deteni despues, y laga liber pendiente e investigacion. Keda pendiente pa mas informacion asina cu e drenta NOTA: Potret ta di archivo di noticiacla di e ultimo bommelding na aeropuerto luna pasa.