Aeropuerto a experencia un ‘Super Saturday’ cu riba 10 mil pasahero

ORANJESTAD – Un total di 13 mil pasahero diasabra ultimo a sea drenta Aruba diasabra ultimo via nos aeropuerto. Esaki ta loke AAA N.V. ta experiencia como un otro ”Super Saturday”. Un dia sigur sumamente druk cu na mesun momento ta trece diferente retonan cune. Durante e dia aki staff y personal di AAA N.V.  a ricibi 5200 pasahero mientras cu 7800 pasahero a sali di nos pais Aruba. Tur diasabra di januari 2019 lo ta bai tin 65 Arrivals y 65 Departures, di cual 53% ta vuelonan di y pa Merca. Esaki sigur ta noticianan positivo pa nos Turismo.

EXPANSION

Pronto cu e Proyecto “Gateway 2030” nos por spera un expansion y ampliacion di nos aeropuerto pa brinda e servicio y experiencia cu nos pais ta desea di ofrece na nos turistanan. E Proyecto aki sigur ta uno di duna sosten mirando cu na e momentonan aki nos aeropuerto a yega na su capacidad maximo. Manera por mira atrobe Aruba ta experiencia un otro “Super Saturday” y asina lo continua cu weekendnan hopi druk durante high season cual ta trece rijnan largo di pasahero. Kiermen, e proyecto aki ta di vital importancia pa e experiencia cu gobierno kier brinda nos turismo.