Tabatin 13 detencion menos e aña aki durante parada di Flambeu

ORANJESTAD – E aña aki parce cu e public cu a presencia e parada di Flambeu na Playa a comporta su mes miho cu aña pasa. E aña aki tabatin 13 detencion menos cu aña pasa. Vocero policial suplente Liliana Rasmijn a confirma cu tabatin 11 detencion durante e parada, compara cu e 24 di aña pasa. No ta conoci si lo tin mas detencion cu ta cay den e cantidad aki despues cu a duna e informacion menciona. Notable si tabata e cantidad grandi di mucha bou di 10 aña tabata cana rond sin supervision. Tambe esaki tabata bisto durante e actividad riba Linear Park un anochi prome. Fuera di e detencionan, cos a bay relativamente trankil pa polis.