Polis ta premira e prome grupo di Fakkel yega final di ruta pa 12’or di anochi

ORANJESTAD – Polis tin programa pa e prome di e 12 gruponan di parada di Flambeu, yega final di e ruta pa 12’or di anochi. Asina vocero di polis Lito Laclé a confirma pa NoticiaCla diasabra. E parada ta poni pa cuminsa 8’or net y ta poni pa caba 2’or di marduga ora cu e ultimo grupo yega e parti final na ex DOW. Asina cada grupo ta haya 4 ora di caminda. Polis a traha un ‘draaiboek’ cu e orario ki ora e cabez di e grupo mester ta na cierto puntonan. Asina nan ta logra controla y vigila e tempo di e parade y sigura cu nan ta logra nan meta. Tin mas of menos 11 mil partipante den 12 grupo, cu tin cu participa y cu tin cu wordo guia awe nochi. Pues e trabou ta bay ta grandi pero polis ta confia cu nan lo keda cla segun schedule.