Cambio den e parking lot publico di aeropuerto

ORANJESTAD – Relaciona cu e proyecto continuo di Parke Solar na Aeropuerto Internacional Reina Beatrix, Aruba Airport Authority N.V. (AAA) ta informa publico en general y tambe esnan cu ta haci uso di e parking lot pa staff cu e siguiente fase di e proyecto di Parke Solar lo inicia e siman aki.(wak e mapa nobo aki). Esaki lo ensera cambio den e lugar unda e parking lot publico actual ta situa. E entrada y salida si lo keda mescos, pero e parking lot publico nobo lo wordo hala panord di e lugar actual (manera indica den e color binja). E parking lot temporario pa autonan di huur a wordo movi caba pa nan lugar original ora cu e fase anterior a keda completa. Adicionalmente un voetpad lo keda construi for di e parking lot publico temporario nobo te cu e edificionan principal di aeropuerto.

AAA ta pidi tur usuario di e parking lot publico (pa termino largo) cu ta para actualmente den e parking lot pa pone nan vehiculo na un otro lugar pa no stroba e continuacion di e proyecto. Usuario- y bishitantenan di aeropuerto ta wordo pidi pa tene consideracion cu esaki durante e trabounan continuo cu lo ta tumando lugar den e lunanan nos dilanti pa cu e proyecto di Parke Solar.