Programa nobo “Career IQ” a keda estrena diasabra na Hits 100 FM

ORANJESTAD - Diasabra dia 5 di Januari 2019 – Hits 100.9 FM hunto cu hosts Kareline v/d Linden y Darice Solognier  a lansa un programa cu ta duna bo conseho con pa avansa bo carera profesional; y tambe e tip nan y triki nan con otro lider nan local asina jama “thought leaders” a logra yega unda nan ta awe.

Career IQ Aruba ta un show na radio unico unda tur siman ta brinda varios conseho practico y eficiente di lider local den nos comunidad di Aruba tocante con abo tambe por desaroya bo carera, alcansa bo meta nan y logra disfruta e bida cu bo ta desea.  Tambe e programa lo tin un seccion asina yama “Surviving 8-5” unda ta ofrece tip nan practico riba diferente area laboral.

E programa ta wordo guia pa Kareline v/d Linden- cu ta na naci na Aruba y como profesion ta un investigador di negoshi (“business researcher”) trahando den e industria di turismo cu un pasion pa crecemento y desaroyo personal y Darice Solognier tambe naci na Aruba  y como profesion ta- un “marketeer” cu tin amplio experiencia den industria di turismo y tambe un pasion pa yuda hende y compania sigui crece.  Tur siman e programa lo tin un otro invitado special y lo trata un otro topico cu ta importante pa bo desaroyo personal y profesional.

Career IQ lo ta na hits 100.9 FM

            Tur diasabra cuminsado dia 5 di Januari 2019 di 10 AM – 11 AM;

            Ripiticion tur dialuna cuminsando dia 8 di Januari 2019 di 5 PM – 6 PM;

            “On demand”- riba canal nan di Podcast y nos pagina social.

 Dia 5 di Januari 2019 10 am- Career IQ tabatin Sra. Nathaly Cabrera como invitado special. Nathaly Cabrera ta un “life y business coach” cu amplio experiencia den e area di “human resources”. Den e episodio aki, Career IQ lo trata e tema di “Meta y resolucion pa 2019”. Hopi biaha nos ta wordo conseha pa pone meta y vision nan nos dilanti pero no tin hopi guia con nos mester hasi esaki.  Career IQ hunto cu Nathaly Cabrera lo ofrece e tip nan cu bo mester pa den 2019 bo meta nan bira realidad. Como parti di un Campaña special pa e lansamento di Career IQ ta invita pueblo di Aruba pa sigi y “like” e pagina social Facebook y Instagram– Career IQ Aruba pa asina haya un oportunidad pa gana un “coaching session” cu Nathaly Cabrera completamente gratis.

Host nan Kareline v/d Linden y Darice Solognier hunto cu Hits 100.9 ta invita un y tur pa sintonisa Career IQ tur diasabra cuminsando dia 5 di Januari 2019 pa asina bo haya tip nan con pa desaroya bo mes y avansa den bo carera y bida personal.  Esaki nan ta e tip nan  y triki cu bo mester pa crece y tin e bida cu bo kier, cu yen di animo y positivismo Carer IQ, Hits 100.9 y sponsor nan kier ofrece bo esaki nan.