Balor di accion di Apple a cay mas cu e balor completo di Facebook

NEW YORK – E balor di accion di e compania gigante Apple (di computer) a cay diahuebs mas cu e balor completo di e red social Facebook (450 biyon dollar). Asina e portal Business Insider ta raporta. E caida a cuminsa for di October aña pasa, ora cu Apple A regustra su balor mas halto den 52 siman. E presidente di e compania Tim Cook ta culpa e guera commercial entre China y Merca. E balor di e compania responsabel pa iPhone a cay cu casi 10% diahuebs. Tres luna pasa Apple tabata e compania mas valioso di mundo. E ora e prijs pa cada accion tabata na $ 232.07. Pero for di e momento ey, el a cay te na $142.19, kitando $450 biyon di su balor. Diahuebs e tabata poni na 710.97 biyon dollar total. Pa hink’e den contexto pues, e perdida ta mas cu e balor di Facebook, cu awor ta balora na $ 383.76 miyon dollar, y ta mas cu e PIB di por lo menos tres pais manera Iran,  Austria y Noruega.