DOW ta cera caminda Seroe Pita/Tamarijn parcial diamars otro siman

ORANJESTAD - Departamento di Obra Publico (DOW) ta informa pueblo di Aruba en general y specialmente nos automobilistanan cu ta haci uzo di caminda di Sero Pita/Tamarijn cu diamars dia 8 januari 2019 lo cera e caminda parcial pa reconstruccion di e caminda y alabes drecha e duiker cu ta situa eynan.E trabounan lo inicia cu reconstruccion di e caminda di Sero Pita, for di e crusada di Sero Pita /Tamarijn te na haltura di Sero Pita #3.  Alabes lo renoba e duiker pa mehora e fluho di awa ora di yobida. 

Lo indica e ceramento cu borchi, baricadanan  y luznan di trafico y pa seguridad di tur automobilista nos lo mantene e area di e duiker completamente cera. E trabounan menciona lo tin un duracion di 60 dia. “ En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa” DOW a declara.