Mucha di 5 aña agredi seriamente pa cacho rottweiler na Hulanda

ALKMAAR – Un mucha muher di 5 aña na Almaar Hulanda a keda seriamente herida diabierna despues cu un cacho di rasa Rottweiler a morde esaki. Mientras cu a transporta e mucha pa hospital, a pone e cacho drumi via un injeccion. E mucha tabata hunto cu un familiar, lagando dos cacho chikito afo, ora cu diripiente e Rottweiler a bay riba e mucha. E doño di e cacho a purba rescata e mucha door di bula riba e Rottweiler. Cu ayudo di algun persona y polis, por a controla e cacho. Fuera di a kibra un braza, e cacho a logra ranca pida cuero di e cabez tambe. Den consulta cu e doño di cacho, a dicidi di ‘pone e cacho drumi’.