E sistema di di Radex a procesa mas di 9000 pasahero den 1 dia

ORANJESTAD – Riba dia 29 december 2018, RADEX BCMS (Border Control Management System) a procesa mas di 9000 pasahero yegando Aruba. RADEX BCMS, ta e programa di maneho di control di frontera, cual a wordo desaroya door di compania local, Gamma IT Solutions. E version nobo di RADEX BCMS a wordo lansa na november y e ta sumamente importante pa mantene e frontera di Aruba sigur y pa hasi e yegada di turistanan riba nos isla mas eficaz door di procesa nan entrada mas liher. 

Durante e luna di december Aruba ta ricibi un cantidad grandi di bishitante, di cual e sistema moderno RADEX BCMS ta yuda pa acelera e proceso di immigracion.

Na e noticia cu riba 29 december RADEX BCMS a procesa e yegada di 9000 turista riba nos isla, un record nobo, Gamma IT Solutions ta satisfecho di por a provee RADEX BCMS pa yuda den esaki. 

Frank Baks, Director di Business Development di Gamma IT Solutions, ta comenta “RADEX BCMS tabata y ta ainda un di nos proyectonan mas grandi na Gamma y un di cual nos ta sumamente orguyoso pa cu e resultado. Ademas, nos ta contento cu e cooperacion entre Migracion Aruba y Gamma IT Solutions pa e proyecto aki. Nos ta sigur cu esaki ta un parti importante pa diferente area manera turismo y siguridad di nos isla.”