Aeroliña Mericano atrobe cu locura di prijs pa biaha pa Aruba

FT LAUDERDALE – Un biaha mas e aeroliña Mericano JetBlue a lansa su tarifanan special di locura, cu cambio di aña. Asina e portal Thrillist.com ta raporta diahuebs. Entre nan Aruba tambe ta figura, y ta realmente un prijs di locura pa turistanan yega Aruba. Un pasashi ida di Ft Lauderdale pa Aruba ta costa apenas 89 dollar. NoticiaCla a confirma y verifica e tarifanan aki cu e aeroliña su portal y nan tur ta cuadra cu realidad. Solamente cu tin restriccion mara na dje, manera cierto dianan (diamars y diaranson) y ta entre januari 16 y april 20 2019 por bula y tin cierto fechanan riba cual no por bula, manera 19 y 20 di februari 2019. A yama e periodo aki ‘The Big Winter Sale’, esta ‘E Descuento Grandi di Winter’.