Nave espacial Chines ta aterisa riba parti scur di luna

CHINA – E programa espacial di China a logra algo grandi diahuebs, aterisa un aparato riba e parti ‘scur’ di luna, cu ta e parti mas leu di planeta tera. Asina e ta yuda e pais asiatico yega mas cerca di su meta di bira un poder espacial.  Tres pais, Merca, Ex Russia, y China awor a manda un nave espacial pa e parti cerca di luna cu tin  bista riba tera, pero esaki ta e prome cu a aterisa asina leu. Segun e agencia espacial di China, 10:26am ora Chines e nave espacial Chang’e4 a habri un capitulo nobo den exploracion lunar humano. Un potret saca algun rato despues ta mustra un crater chikito y un tereno cu ta parse ilumina pa e nave.