Januari 2015 cantidad di taxi na Aruba ta aumenta

ORANJESTAD - Cumpliendo cu veredicto di huez, entrante 1 di januari 2015 lo aumenta e cantidad di taxinan riba nos isla. Esaki lo bai sosode den e periodo nos dilanti, specificamente 1 di januari 2015, considerando cu pa e temporada ey ya caba Riu (ex Westin) lo tin su riba 400 camber den operacion hunto cu Ritz Carlton. A tuma e decision aki tumando den consideracion loke Deloitte a trece dilanti den e plan master pa loke ta trata transporte publico.

Minister encarga cu transporte E mandatario a duna di conoce cu ta bai warda pa un evaluacion pa mira e cantidad di taxi cu en berdad mester bin, cu a wordo bisa semper. Lo warda pa un aumento den e inventarionan. Tambe lo mira e orarionan durante cual tin scarsedad di taxi y den e cuadro aki ta pensando den direccion di un dienstregeling pa delinea sitio y momentonan pa zet in e taxinan adicional cu lo bin. Minister Oduber ta wardando un conseho di DTP pa determina e cantidad di taxinan cu mester bin den e periodo nos dilanti (pa e proximo 3 pa 5 aña).