Hilton Aruba Caribbean Resort & Casino a organisa un feria artesanal

(ADVERTORIAL)

PALM BEACH - Un feria artesanal a wordo incorpora den e programa pa dianan di fiesta di Hilton Aruba Caribbean Resort & Casino cu e meta di ofrece huespednan un actividad navideño cu ta concentra den apoya nos artistanan local. Durante e ultimo añanan, Ministerio di Cultura tabata cualifica e artistanan y artesanonan local, premiando esunnan cu tabata cumpli cu e criterianan mas estricto cu un seyo di excelencia, demostrando cu di berdad nan ta artesanonan autentico local. Hopi di e artesanonan a bini Hilton Aruba Caribbean Resort & Casino pa expone y promove nan esfuersonan artistico, entre esnan presente tabatin lo siguiente: artista di ceramica Trudy Lampe, mixed media specialist Diana Hopman, Cunucu Mondi Fierno cu un linea di biña artesanal y likeur traha di fruta organico cosecha na Aruba, William Jansen y Nanda Braemer a show nan lampinan traha di driftwood, fotografo Carmen Mesar cu frames 3D, un representante di e famoso Aruba Aloe, Amanda cu su Kombucha traha na cas, CR Sea Glass & Sterling Jewelry, y pintor Johnson Altagracia. E atardi ameno rond di e pool a wordo bon atendi y ricibi cu entusiasmo pa tur cu a asisti.