Aruba den top 25 di Fodors travel pa su actividad flotante turistico

ORANJESTAD – E revista turistico Fodors Travel a pone Aruba den e top 25 di real estate acuatico. Pues cualkier propiedad turistico cu no ta riba tera firme, sino flotante riba awa. E ta varia entre mercadonan flotante, bars, spas, camber di hotel y otro facilidad manera esun di Aruba, esta sofa flotante dilanti Palm Beach. Segun e articulo di Fodors, tera firme ta birando un recurso mas dificil pa desaroya, awor desaroyadornan ta mirando pa awa como real estate, y inovacion architectural por ta cualkier cos., bar, restaurant, spas, parke, hotelnan complete. Plus e atraccionan aki ta mas ‘cool’, y mas dibertido riba awa. Den e caso aki, pa Aruba, ta papia di e cabananan flotante cu ta na Aruba for di 2017. Nan ta e asina yama ‘Floating Sun Deck Aruba’ traha di palo tropical. E huur ta inclui dos stul indonese, transferencia di boto pa e sitio, refresco y awa, biña of pakete cu champaña tambe.