Minister: Directie Onderwijs tin culpa den problema di Colegio San Antonio

ORANJESTAD - Directie onderwijs tin culpa di e problema di Colegio San Antonio. Esey ta e conclusion di e mandatario encarga cu Enseñansa  diahuebs riba e walkout di e maestro y alumnonan di e scol. "Si no tabata pa e accion aki, mi no lo tabata sa cu e situacion di coriente no tabata soluciona” e mandatario a sigui bisa. Segun Hooyboer, a drenta informacion siman pasa mustrando cu tin un fayo tecnico cu e capacidad di coriente, cu consecuencia cu airco ta cay afo den varios trailer. “ E trabou aki a wordo delega na Directie Onderwijs y nos a wordo informa cu tur cos ta soluciona, mientras esaki no tabata e caso. Nos lo deal cu e situacion interno paso esaki sigur no ta aceptabel” e mandatario a sigui bisa.

Segun e mandatario e problemanan na Colegio San Antonio no ta limita na airco so. E mandatario a sigura cu ta haciendo esfuerso pa por purba soluciona e otro retonan mas pronto posibel. Nan ta varia entre otro cu problemanan cu bentana y ‘omheining’ pa cual ta buscando un solucion practico.  Fuera di esey ta purbando di soluciona e otro problemanan tambe, manera seguridad rond di e scol.