Brake di bus a faya, causando accidente di trafico

WARAWARA - Na Warawara diasabra pasa di 11 or anochi a keda registra un accidente serio entre auto y bus. Tabata un bus di Fofoti Tours cu tabata carga cu hendenan local cu ta trip pa mira luznan di Pasco rond nos isla. Algo a bay robes cu e sistema di e brake riba e caminda di Warawara na e bahada y e chauffeur cu a ripara esaki a cuminsa maniobra cu esaki. Yegando un t-weg pa no sigui straight y bay pega den mondi y un cas, e chauffeur den e birada a dal den un palo di luz y bay dal den un auto cu tabata biniendo for di pabou. E bus a lastra e auto algun meter. Tabatin un hende homber den e auto cu a keda herida, y ambulance tabata presente pa atende cu ne. Polis di trafico tabata presente. Personal di Elmar tambe a yega pa cuminsa cu e trabounan necesario.