Fechanan pa Curacao North Sea Jazz Festival 2019 ta conoci!

WILLEMSTAD – E fechanan pa e proximo Curacao North Sea Jazz Festival (2019) ta conoci. Hunto cu ne, e fecha pa e otro festivalnan organisa (tambe) pa Fundacion Bon Intencion (FBI) tambe ta conoci pa 2019. Asina e miembro di directiva di FBI, Sigmund Jansen a bisa NoticiaCla diabierna mainta. Pa loke ta e fechanan di CNSJ 2019, esaki ta bira 29, 30 y 31 di augustus 2019. E lista di artista ta bira conoci den curso di 2019, cu e promenan sigur despues di e periodo di Carnaval. 

OTRO FECHANAN

E otro festivalnan cu FBI ta organisa, tambe tin nan fecha caba segun Jansen. Entre nan tin e Curacao International Film Festival cu ta di  10 pa 14 di april 2019, e Blue Seas Festival cu ta riba dianan 19 y 20 di april 2019. Ta sigui e Festival di Pueblo cu ta dia 2 di juli, y finalmente 

Curacao North Sea Jazz Festival di 29 pa 31 di augustus 2019. Jansen a recomenda atrobe manera tur aña, pa reserva pasashi delanta pa no keda atras. A priminti cu un biaha mas e alineacion di e artistanan pa particularmente CNSJ lo ta expectacular mescos cu ta e caso pa e otro festivalnan. E aña aki, Carlos Vives, James Derulo y Christina Aguilera tabata e grandinan, fuera di KC & The Sunshine Band.