Partido RED tin problema cu decreto di minister riba clapchi

Partido RED tin problema cu decreto di minister riba clapchi

Posted on 12/28/2018 10:55 am AST | Updated on 12/28/2018 10:56 am AST

ORANJESTAD – Partido di coalicion den gobierno Red Democratico tin problema cu e decrectonan di minister Andin Bikker (husticia) riba e tema di clapchi. E partido diaranson anochi riba nan pagina ta vocifera nan preocupacion cu e cambio cu e minister a anuncia diaranson mainta durante un conferencia di prensa. E mandatario a informa di e decreto cu ta poni cu envez di 9’or, por bende clapchi te 10’or y envez di 1 di januari, awor por tira clapchi te 2 di januari ora solo baha. Y si tira clapchi den cura di cas, por haci esaki te dia 6 di januari. E partido RED sinembargo tin problema cu esaki. 

PREOCUPACION

Riba nan pagina, e partido ta mustra cu nan a tuma nota di e decreto di e minister, particularmente e prolongacion di uso di vuurwerk riba tereno publico, di 1 di januari pa 2 di januari y e parti di den cura. “Partido RED ta desea di sa si den e decision aki a tene na cuenta e daño prolonga na nos medio ambiente, e molester prolonga na nos animalnan domestic, e hecho di ta prolonga cu mas dia e peliger pa accidente na e ser humano”. Ademas e partido ta mustra cu segun e mandatario, ‘door di permiti di tira den cura te cu dia 6 di januari, si esak ta nifica cu por tira vuurwerk cu ta sali for di e perimetronan di e percela’. E partido ta finalisa bisando cu nan ‘ta mustra nan preocupacion pa cu e decision aki’, siendo ‘ un partido cu a nace for di un movement ambientalista’. 

  • Wever ta desmenti yegada di avion militar Hulandes pa cuida frontera

    Wever ta desmenti yegada di avion militar Hulandes pa cuida frontera

    ORANJESTAD – No tin ningun avion ta yegando Aruba e siman aki cu miltar pa defende frontera. Asina prome minister Evelyn Wever Croes a reacciona pa NoticiaCla riba e broadcast message cu ta circulando rond. :Tin un bc message bayendo rond cu ta sembra panico cu avion cu militar hulandes lo yega Aruba otro siman. E mensahe no ta corecto” Wever a bisa. Loke si ta bin ta un delegacion di Hulanda presidi pa prome minister Hulandes Mark Rutte. “ Otro siman prome minister Rutte ta bin Aruba cu avion di gobierno hulandes, hunto cu secretario di estado Knops. Ademas e 4 ministernan di husiticia di Reino lo reuni na Aruba pa e reunion regular di Justitieel Vier Landen overleg. Pues nada di haber cu e situacion na Venezuela” Wever a bisa. E ta bisa si cu, sinembargo e situacion na Venezuela ta sigi preocupante, y gobierno di Aruba ta alerta y ta sigi e desaroyo di serca. “No ban crea panico, pero ban keda sensato den e situacion dificil aki” Wever ta finalisa bisando.

  • Ministernan di Husticia di Reino na Aruba pa ‘Justitieel Vierlanden Overleg’

    Ministernan di Husticia di Reino na Aruba pa ‘Justitieel Vierlanden Overleg’

    ORANJESTAD - Otro siman lo tuma luga na Aruba e Justitieel Vierlanden Overleg, JVO, entre e 4 paisnan di Reino. Ministernan di Husticia di Hulanda, Corsou, Sint Maarten y Aruba lo bini hunto pa cumbrenan cu lo trata cooperacion entre e paisnan. Minister di Husticia di Aruba, Andin Bikker    ta cla pa ricibi su homologonan di demas paisnan pa duna inicio na e reunionnan I sumo importancianan aki pa nos pais. 

  • Premier Rutte di Hulanda cu un dia di bishita na Aruba

    Premier Rutte di Hulanda cu un dia di bishita na Aruba

    ORANJESTAD - Diamars awor, 22 di januari, Prome Minister Mark Rutte di Hulanda ta di bishita na Aruba. Tempran mainta, Gobierno di Aruba ta ricibi Premier Rutten na aeropuerto. Despues, Premier Rutte tin un reunion cu Gobernador di Aruba, Señor Alfonso Boekhoudt y lo sigui despues pa un reunion cu Prome Minister di Aruba, Evelyn Wever-Croes. Despues di reunion di e dos Premiernan, lo reuni cu Ministerraad.

  • Otro siman secretario di estado Raymond Knops ta bishita Aruba

    Otro siman secretario di estado Raymond Knops ta bishita Aruba

    ORANJESTAD – Manera ta conoci, staatssecretaris di Hulanda  Raymond Knops lo ta di bishita otro siman na Aruba pa algun dia. Señor Knops lo ta presenta na e mainta di acto protocolar di Dia di Betico.  Durante e bishita di Knops, e lo atende cu algun aspectonan financiero. Tambe tin riba aganeda pa presenta na Señor Knops tur informacion di e Crisis Plan Social y tur locual cu Gabinete Wever-Croes ta haci den e cuadro aki. 

  • Parlamentarionan di Reino Hulandes cla pa topa na IPKO otro siman

    Parlamentarionan di Reino Hulandes cla pa topa na IPKO otro siman

    ORANJESTAD – Diamars otro siman ta cuminsa e reunion interparlamentario di Reino IPKO na St Maarten, unda cu tema principal lo ta ‘areglo di disputa’, esta geschillenregeling, situacion na Venezuela, y e reconstruccion di St Maarten. E ultimo aki sigur lo ta un prioridad pa e delegacion di 12 miembro Hulandes, mientras cu pa e delegacion di Caribe Hulandes, e tema di geschillenregeling lo ta cardinal. 

  • Wever: Gobierno a proclama aña 2019 como ‘Aña di Famia’

    Wever: Gobierno a proclama aña 2019 como ‘Aña di Famia’

    ORANJESTAD - Aña 2019 Gobierno a proclama como “Aña di Famia”. Asina prome minister Evelyn Wever Croes ta bisa den su discurso di fin di aña. “Den e aña nos dilanti nos lo consolida e esfuersonan den e Crisis Plan Social pa crea un fundeshi mas firme pa nos famianan. Pa brinda sosten pa crea famianan mas uni, solidario y feliz. Un famia cu fundeshi fuerte por guia nos muchanan y hobennan miho riba nan caminda di bida. Nos lo sigui pone e ser humano central, brindando oportunidad na tur, sin laga ningun hende atras” Wever a sigui bisa. E mandatario a repasa tur e loke a sosode den 2018 pa gobierno. E bon y e malo.    

  • casino crystal.2
  • Powered by SETAR