Hulandes Caribense kier pa medionan di comunicacion duna mas atencion na e islanan

Hulandes Caribense kier pa medionan di comunicacion duna mas atencion na e islanan

Posted on 12/27/2018 3:31 pm AST | Updated on 12/27/2018 3:34 pm AST

AMSTERDAM – “Medionan di comunicacion Hulandes t’ei solamente ora tin corupcion of un desaster, pero pakico no ta reporta nunca tocante desaroyo of desigualdad na e islanan.” Esey tabata un keho cu a tende hopi durante e evento periodistico cu Ret Karibense a organisa siman pasa.

Den cuadro di cinco aña di existencia Ret Karibense a combersa cu representante di e medionan di noticia di mas grandi di emisoranan público y cu público mes. E preguntanan central tabata: ki luga noticia Caribense tin den e mundo di medionan di comunicacion Hulandes? Y ki luga lo e mester tin?

E penal di media di e anochi tabata consisti di Lorenzo Fränkel (redactor di Nieuwsuur), Dick Jansen (Hefe Exterior NOS y René van Brakel (Redactor hefe di EenVandaag).

Lorenzo Fränkel (Nieuwsuur) tin su ‘roots’ na Aruba y Sint Maarten. E ta reconoce e malcontento den comunidad Caribense. “Esaki ta ekspresa especialmente den desconfiansa”, e ta conta. Ta berdaderamente e ‘default modus’ di Hulanda ora ta trata di e islanan: noticia negativo. Asina por ehempel mesora despues di horcan Irma media Hulandes a reporta especialmente tocante sakeo.”

Na redaccion di Nieuwsuur Fränkel ta mira su decendencia como un balor extra: toch mi ta mira kico ta sosode na e islanan cu otro wowo y mi por denota esaki bon pa mi coleganan. Tambe mi ta domina y compronde e comunicacion y e formanan di comportacion di e islanan. Mi coleganan sin base Caribense no tin esaki.”

Segun e director di Media y Industria Kreativo, Afke van Rijn, di Ministerio di Enseñansa i Kultura (OCW) pa e motibo ei ta importante pa reforsa e cooperacion entre e otro medionan di comunicacion Hulandes y Ret Karibense. 

Fuente: Ret Karibense, partner di NoticiaCla. Natasja Gibbs & Leoni Leidel-Schenk

  • RMR no a duna Corsou aanwijzing sino mas tempo

    RMR no a duna Corsou aanwijzing sino mas tempo

    DEN HAAG – Corsou no a haya instruccion (aanwijzing) for di Rijksministerraad, y a haya tres siman tempo pa logra un solucion. Durante e RMR di dia 5 di juli proximo, e decision final ta cay. Asina RMR a dicidi diabierna mainta na Den Haag. Secretario di estado Hulandes Raymond Knops a bisa cu Den Haag y Willemstad ta papiando algun tempo caba pa stimula e economia y pa logra trece reforma riba pia. “E combersacionan aki nos lo sigui tene y ta bay traha y concretisa e acuerdo di cooperacion” Knops a bisa N.O.S. 

  • Delegacion di gobierno di Corsou a yega Hulanda pa bringa aanwijzing

    Delegacion di gobierno di Corsou a yega Hulanda pa bringa aanwijzing

    DEN HAAG – Ministernan di Corsou Rhuggenaath, Gijsbertha y Römer a yega Hulanda diahuebs mainta, pa cuminsa cu nan ronda di combersacion cu gobierno Hulandes, prome cu nan presenta den e reunion di Rijksminister Raad di diabierna proximo. Durante e reunion ey, RMR lo tin cu dicidi si Corsou ta haya un instruccion (aanwijzing) riba e problemanan financiero di Corsou. Gobierno siman pasa a anuncia cu debi cu Hulanda a anuncia cu e instruccion lo ta riba agenda pa e siman aki, nan no ta wak motibo pa sigui cu e biahe. Sinembargo parlamento a pasa un mocion pa urgi gobierno biaha toch y bringa nan caso personalmente. Diaranson gobierno a anuncia e ora cu nan lo biaha toch diaranson anochi mes. Potret cortesia Rick Hart 

  • NRC: Samira Rafaela ta drenta Parlamento Europeo toch

    NRC: Samira Rafaela ta drenta  Parlamento Europeo toch

    DEN HAAG – Parse cu na final di dia, toch e candidato di D66 Samira Rafaela ta haya asiento pa por drenta Parlamento Europeo. Asina e portal Hulandes NRC ta raporta diamars. Rafaela ta un di e tres damanan cu ta logra esaki debi na nan votonan di preferencia (voorkeurstemmen). Nan a haya asina hopi voto preferencial cu nan a logra. Fuera di Rafaela, tin  Liesje Schreinemacher (VVD) y Kim van Sparrentak (GroenLinks). Cu esaki, segun e portal, e percentahe di e hende muher den delegacion Hulandes den Parlamento Europeo ta subi di 34.6 pa 46.2. Entre e 26 parlamentarionan Europeo, lo tin 12 dama.  

  • Welga na Hulanda tin transporte publico practicamente paralisa

    Welga na Hulanda tin transporte publico practicamente paralisa

    AMSTERDAM – Transporte publico na Hulanda ta practicamente paralisa diamars, debi na un welga cu tin. E paro ta nifica cu practicamente no tin bus, metro trein y tram den henter e pais. Un jamada pa no bin e stationan di trein a duna resultado ya cu nan ta practicamente bashi. E personal di transporte publico ta protesta pa miho pension. Huez mientrastanto a prohibi pa tin welga den area di e aeropuerto principal esta Schiphol. Consecuentemente tin mucho mas auto riba caminda pa e aeropuerto, ya cu esaki ta e unico forma pa yega for di ciudad. Debi na e welga, tin 3 pa 4 biaha mas auto yegando e aeropuerto. 

  • Hulanda ta duna 23.8 miyon Euro pa islanan ABC pa crisis Venezolano

    Hulanda ta duna 23.8 miyon Euro pa islanan ABC pa crisis Venezolano

    DEN HAAG - Hulanda ta pone 23.8 miyon Euro disponible pa e islanan hulandes den Caribe pa atende cu e impacto di e crisis. Asina prome minister Evelyn Wever Croes a bisa NoticiaCla diamars riba e reunion cu el a sostene e.o. cu prome minister Hulandes Mark Rutte. Segun Wever, aki mester pensa riba entre otro mas control di frontera, mas capacidad y expertisio pa atende tur e peticionnan di asilo, mas asistencia den mantene orden den nos pais, y gastonan relaciona cu e fluho grandi di migracion cu nos ta mira na nos isla. 

  • Minister president Wever a topa cu Mark Rutte y Raymond Knops

    Minister president Wever a topa cu Mark Rutte y Raymond Knops

    DEN HAAG - Dialuna mainta Premier Wever-Croes a reuni cu Premier Hulandes Mark Rutte y secretario di estado Raymond Knops, unda cu a toca varios tema manera e criris di Venezuela y e situacion financiero di pais Aruba. Den un comunicado emiti sinembargo, gobierno ta bisa solamente cu a ‘link’ e tema di finanzas publico den contexto di e impacto di e crisis migratorio di Venezuela’. Segun e comunicado, e reunion a bay bon. “Mi a describi e retonan cu nos tin awor, y esunnan cu nos tin pa enfrenta. Y mi a bise cu comunidad mundial awor mester ‘step up to the plate’ pasobra no ta husto cu nos so mester atende e situacion” Wever a bisa segun e comunicado.  “Pa mi ta importante pa aki na Hulanda nan compronde cu nos ta atendiendo cu e efectonan di un crisis cu nos no a ocasiona, y cu e tin su consecuencianan pa Aruba. E tawata un bon reunion”, Prome Minister a enfatisa.

  • Powered by SETAR