Corsou kier introduci ley contra uso di articulonan di plastic fin di 2019

WILLEMSTAD – Mientras cu na Aruba e ley pa prohibi articulonan di plastic, ta drenta na vigor entrante 1 di januari 2019, Corsou no ta asina leu ainda. Ta premira cu pa fin di 2019 nan tambe por ta asina leu. Ta trata di e productonan di plastic manera ‘straw’, cuchu y forki , borchi, cup y tambe box di foam. Tur cu ta di plastic ta prohibi na Aruba asina aña bolter. E tardansa pa esaki tambe sosode na Corsou, ta durando mucho largo segun Caroline Castendijk, di ‘Plastic Free Curaçao!. Asina e media partner di NoticiaCla, Caribisch Netwerk ta raporta. Castendijk a lanta un pagina di Facebook pa inspira hende y pa nan mes tuma medida pa evita e uso di e plastic aki. “E ta menos complica cu hende ta kere” Castendijk ta bisa.   

LEY

Na maart ultimo Corsou a entrega un concepto di ley pa prohibi e uso di e plastic aki, pa ley. “Si, nos ta bezig cu ne” Parlamentario Giselle Mc William a bisa. A splica cu el a pasa Raad van Advies caba. Ta ahustando e ley cu ayudo di otro departamento y esey ta causando e tardansa.