Containernan di clapchi a keda reparti awe marduga pa nan lugarnan di benta

WELA – E containernan di clapchi pa 2018 a keda reparti diahuebs marduga pa nan respectivo lugarnan di benta. For di 12’or di mei anochi autoridad competente a cuminsa e proceso y pa 1’or y mei awe marduga e prome cargamentonan por a bandona e sitio na Wela, rumbo pa nan destinacion final. E intencion tabata pa traha henter anochi y pa mainta trempan, tur 75 punto di benta tin nan cargamento di clapchi. Compaña pa patruya di polis, e containernan tabata wordo transporta durante curso di marduga. Ya pa 3’or tabatin 17 di e 43 containernan transporta pa nan respectivo lugar. Na tur a yega un total di 21 container e aña aki, hunto cu 3 container cu a resta aña pasa. Eynan, a reparti esakinan den e 43 containernan pa e rebendedornan. Pa diahuebs merdia/atardi, un team di autoridad consistiendo di polis, douane, DTI, y DOW lo haci nan recorido pa controla e sitionan di benta.