Booi: Evita duna mascota resto di cuminda di pasco

ORANJESTAD – Tene cuenta ki tipo di cuminda y pilder bo ta duna bo mascot durante dianan di fiesta na caminda. Asina veterinario Natalie Booi di Animal Care Clinic ta bisa NoticiaCla. E prome parti ta esun di cuminda unda cu hende ta tin e (mal) custumber di duna cachonan resto di cuminda di hende, cu bon intencion pero cu ta resulta di ta un fayo. Entre nan e pida ham cu kier duna e mascota, of e vet di e ham of e weso di e ham, como un cariño. Sinembargo esaki por ta malo pa e mascota. Segun Booi, e ham ta uno cushina, tin hopi salo cu e cacho no por procesa. Nan por bira malo, haya diareah, sacamento y hasta un pancreatitis. E weso di e ham tambe ta un problema. E ta herebi, mas moli y por parti na pida chikito. E ta bira peligroso y por bora e stoma y e tripa. Esaki por conduci den un emergencia cu bira fatal.  Cumpra un pida carni mula, un lomito special si ningun condimento, y dune asina. Mescos cu ta pa pushi. E atencion porta mes ta esun mas suficiente pa e mascota. Si dado caso toch haya un emergencia, tur veterinario tin hende riba standby , y por yama e telefon di e veterinario.