Martina na NoticiaCla: InterCaribbean ta dispuesto pa traha pa demonstra e garantianan

ORANJESTAD/WILLEMSTAD  – “Naturalmente nos tabatin idialiter for di antayera (cu) interCaribbean mester a mustra tur e garantianan di tal forma cu por garantisa e continuidad di Insel Air”. Asina minister di economia di Corsou  Steven Martina a sigura NoticiaCla. Martina tabata na Aruba diabierna pa firmamento di MoU pa e proyecto di Fast Ferry. Na e ocasion ey e mandatario a trata e tema di aviacion. E mandatario ta admiti na NoticiaCla cu no a logra keda cla e siman cu a pasa manera ta conoci lamentablemente. “Nan no a logra mustra e garantianan, pero e bon noticia ta cu nan ta dispuesto pa sigui traha pa demonstra e garantianan” Martina a sigui bista. Pesey e ta kere cu e extension cu hues a duna te dia 28 di December, prome cu e fecha ey e interCaribbean lo mester cumpli segun Martina. “Nos a papia cu nan. Mi a papia cu e doñonan tambe y nan a duna nan compromiso, a lo menos verbalmente. Y awor nos ta en espera pa nan bin cu e documentacion pa realmente tur e garantianan necesario tambe” Martina a bisa. 

CONFIANSA

Segun Martina, el a papia cu tanto e administrador Rogier vd Heuvel, e commission negosacionador y e doñonan di interCaribbean, y no ta comparti e hecho cu vd Heuvel no tin confiansa mas den e deal. E ta confia cu den e extension di tempo cu a haya, lo por keda cla cu tur cos.