Saddler: InterCaribbean kier tin mas di bisa como socio di InselAir

WILLEMSTAD – InterCaribbean Airways no ta contento cu e structura cu kier hink’e aden cu InselAir internacional. Durante e caso sumario diabierna ultimo, hopi cos a bin afo y a trece mas claridad. E CEO di e compania mes, Trevor Sadler a trece varios punto dilanti di preocupacion cu e wak cambia. Entre nan, e hecho cu interCaribbean tin cu tuma 100% di e debenan pendiente, pero no tin nada di bisa den e compania. Mientras cu e compania ta(bata) cla pa tuma InselAir International over, varios cos a bin acerca cu a trece complicacion. Como tal, e compania ta dispuesto pa tuma over, pero e kier un structura unda cu e tin mas di bisa. Esey por splica e problemanan cu tabatin ultimo ora pa cu e deal keda cla. Huez ta dicidi riba e deal final dia 27 di December proximo. Potret cortesia aviation tribune.