Conocido personalidad di radio y television recuperando di salud na Colombia

ORANJESTAD – Conocido personalidad di radio y television local Ivan Kelie Jr a sorprende hopi hende e siman aki cu su anuncio di su salud na Colombia. Tabata diahuebs cu el a participa na television cu a descubri un tumor cerca Kelie y a rekeri mas estudio medico na Colombia. Aki a bin dicidi cu mester haya tratamento di quimo, na Cali Colombia. E ta recuperando poco poco na Colombia, segun su doño di trabou, Power FM. Kelie ta encarga cu e parti tecnico y tambe parti commercial di e radio, y algun tempo atras a uni su mes cu e programa Nos Mainta na Telearuba como co-presentador cu Siomara Everon. E ta e di dos persona di e emisora cu ta haya su mes sorprendi cu problema di salud serio. Tabata e propio director di e emisora Power FM Ruben Garcia cu dia 13 di februari di e aña aki a sufri un atake di curason leve y a transporte pa Colombia su siguiente dia pa tratamento medico. Despues di 3 siman di tratamento y cuido, Garcia a bolbe Aruba. No ta conoci ki dia Kelie lo bolbe Aruba. Mescos cu e caso di Garcia of cualkier otro personalidad, su situacion ta haya mas atencion cu otro debi na nan popularidad den comunidad. NoticiaCla ta desea Ivan Kelie Jr pronto recuperacion!