Caminda rotonde FCCA pa rotonde Cumana a habri awe mainta

ORANJESTAD – Casi 6 luna mas laat, pero diabierna mainta porfin polis y e contratista Mota Engil a habri e caminda di rotonde di FCCA pa rotonde di Cumana. Pa mas di 6 luna a cera e via aki, haciendo e caminda di rotonde di dos via, un via solamente. Awor cu tin dos via pa bay y pa bin (aunke ainda tabatin baricada haciendo e caminda toch uno small), y cu esaki e fluho di trafico por bira mas rapido posiblemente. E tardansa  tabata entre otro, creacion di un duiker nobo, y despues por a pone capa nobo di asphalt. No ta conoci ki tempo e parti di Watty Vos Blvd aki lo keda completa. Minister di infrastructura Otmar Oduber a bisa NoticiaCla cu no ta bay pone mas ultimatum, pasobra nan no ta cumpli. Awor ta warda augustus 2019 yega pa wak si enberdad nan keda cla cu e trabou completo y si mester duna mas multa.