Gobierno y gremionan deliberando cu otro tocante BBO riba recibo

ORANJESTAD – Un di e cambionan cu ta afecta e cambio proponi pa gobierno pa cu e reforma fiscal, e kitamento di BBO for di recibo, no ta conta cu sosten cu mayoria di gremionan commercial. Gobierno a informa diahuebs durante tratamento di e ley, cu nan ta na altura di e preoucacion y a purba pa yega na un consensus cu e gremionan. Un carta lo ta bayendo pa e gremionan diahuebs ainda cu e solucion. Gremionan di nan banda ta preocupa cu e eliminacion di BBO for di e recibo, citando 8 punto di preocupacion. No ta conoci si e gremionan lo acepta e proposicion di gobierno.

E PROBLEMA

Gremionan (7 di nan) incluyendo Kvk y AHATA pero excluyendo ATIA, a manda e carta cu e 8  puntonan aki pa Prome minister Evelyn Wever dia 14 di December ultimo, pero ta te diahuebs durante tratamento di e reunion publico, esaki a bira conoci. E preocupacion ta varia di percepcion di prijsnan mas caro, problema cu software cu ta calcula tur cos caba di un forma, y cu tin mas di un miyon producto eyfo cu mester wordo re’marca cu un prijs nobo. Nan a pidi Wever pa comprension y pa deshaci di e idea. 

SOLUCIONWever na su turno a splica di e preocupacion y ta comprensibel pa e parti aki. Pero no por elimina henter e asunto. Como tal a opta pa topa mitar caminda. E mandatario a splica NoticiaCla diahuebs atardi laat cu e ‘cambio’ ta encera cu pa esnan cu no por hasi e cambio asina liher ta duna 6 luna pa haci’e te ora bin cu fase 2 di e reforma fiscal dia 1 juli 2019. “Esaki ta kom tegemoet na nan e objeccionnan di gremionan. Nan ta satisfecho” Wever a sigura e portal aki. E carta tabata wordo constipia pa wordo manda awe ainda pa e gremionan. Por lesa e carta di gremionan AKI.