Miedo di klapchi cerca mascotanan di cas

ORANJESTAD - E aña aki tambe Aruba lo ta festivamente celebrando e yegada di e aña nobo, cu un cantidad modera di klapchi. Pa hopi hende e ta un fiesta bunita, pero pa hopi di nos bestianan e por ta hopi estresante. Nos sa cu hopi di nos bestianan tin miedo di klapchi. Si bosa y ta spera bo cacho di tin miedo pa klachi e ora e guia aki por yuda abo y bo mascota pa hasi e fin di aña aki lo mas agradabel cu ta posibel tanto pa hende como pa bestia.

Nos ta recomenda pa bisti bo mascota un banchi cu un nametag y si ta possibel laga pone un microchip pe.

Tips util pa aña nobo:

•          Mantene bo bestia den un lugar trankil, den un ambiente confia y no laga e pushi pafo. No laga bo cacho nunca su so na cas.

•          Por percura di crea pa e pushi algun “refugio di klapchi” sigur. (manera un caha di carton cu un entrada.) si bo pushi tin miedo y kier sconde su mes, por lagele bay na su refugio. E ta wak esaki manera un lugar sigur.

•          Bo por sende radio of television (sinembargo na un canal unda klapchi no ta kom voor) y sera e bentananan.

•          Si bo tin un cacho jong, e ora ei ta hopi importante pa preveni pa bo cacho tin un experiencia negativo y traumatico. No cana cu e cacho serca di hende cu tin klapchi y preveni areanan na unda hopi klapchi ta.

•          Reaciona lo mas normal cu ta posibel pa klapchi. Mantene bo mes trankil. Si bo ta nervioso e ora ei bo cacho tambe lo bira nervioso. Si bo mascota ta actua trankil y no tin miedo, por dune un recompensa door di hunga cune, dune atencion of cuminda.

•          Si bo cacho tin miedo, percura pa na e momento aki pa bo ta serca. Dunele e oportunidad pa ta serca bo. Mustra trankilidad y mustra confiansa. Cariciele of console exageradamente ta pone un cacho sinti mas miedo, pero si bo no dune atencion tambe!. Dus scohe un punto medio, ta presente, dune seguridad. Por ehempel door di laga e cacho bai drumi cerca di e banki (embez cu den su macuto den cushina) pero sin caricie  of yame cada minuut. Bo por apoye, pero no recompensa su miedo.

•          Ora bo pushi tin custumber di bai for di cas, percura pa e tin un microchip y/of un banchi cu su nomber, adres y number di telefoon. Mantene bo cacho na un leash ora di lage sali cana pafo.

•          Durante dia laga bo cacho sali extra largo pafo, na un lugar trankil cu ainda no tin zonido di klapchi, ja asina e por saka tur energia cu e tin. Por laga e cacho sali pafo cu otro cacho(nan) cu no tin miedo di klapchi.

Semper opta pa recursonan alternativo y/of natural

Suplementonan Nutricional:

•          Tambe tin suplementonan mutricional/dietanan cu por kita e leve miedo di klapchi.

•          Algun ehempel ta Calming Pet Treats, Calming Drops y e Royal Canine Calm Diet.

•          E effectonan ta riparabel despues di 1 pa 2 siman di administracion. Pues bo por cuminsa desde mitar di december cu e suplementonan aki.

Medicacion pa ana nobo:

•          Tin diferente tipo di medicamento disponibel. A base di literatura scientifico nos di Animal Care Clinic a scohe e aña aki pa Diazepam y Alprazolam.  Esaki ta tambe e medicamento mas receta na Hulanda.

•          Diazepam/Alprazolam ta un sustancia cu un funcion sedante y calmante di angustia.

•          Bo mascota ta sinti sonjo di medicamento. Esaki ta normal.

•          Diazepam duna mas sedacion y tambe ta causa perdida di memoria:  e bon di esaki ta cu e ta preveni cu bo cacho lo corda di e miedo pa klapchi.

•          Diazepam ta traha lihe. Por cuminsa dune e mediacamento e anochi di fin di anja. Duna e dosis correcto di Diazepam minimo un ora antes di e tiramento di klapchi. Por ripiti esaki cada 5 ora si acaso ta necesario.

•          Diazepam/Alprazolam ta adecua pa pushi y pa cacho.

•          Alprazolam  ta mas specifico pa reduccion di stress, ansiedad y sonido duro manera klapchi.

•          Alprazolam por causa mas excitacion serka sierto mascota, asta serka esnan agresivo ( por bira mas agresivo).

•          No hasi uso di Diazepam/Alprazolam si bo mascota tin problema renal of hepático of si e ta na estado y ta na su prome trimester di embarazo!

•          Reduci e dosis si bo cacho bira hopi suf!

•          Percura pa ta presente, pa observa cualkier otro reaccion rapidamente!

Un camisa di presión

•          Un camisa di presión ta duna un presion constantemente suave na e cupa y e tin un efecto calmante na mayoría di cacho cu tin ansiedad, miedo of cu ta hopi activo. Por compara esaki cu lora un baby cuta yora.

•          Recompensa su trankilidad cu algo dushi of cu atencion. Asina aki e cacho por sinja asocia e camisa cu seguridad.

•          Cuminsa di hopi trempan, prome cu cambio di aña cu e custumber aki.

•          Un di e camisanan cu por wordo pidi via internet ta e Thundershirt pa cacho.

Algun pregunta?  Pasa bishita nos na clinica of  jamanos na 582-8382.