Resultado di votacion di mocionan den Parlamento diaranson

ORANJESTAD – Fuera di a pasa e presupuesto 2019 di pais Aruba diaranson anochi, Parlamento a trata un cantidad di mocion tambe. En total tabatin 14, di cual 2 no a haya sosten pa wordo trata y vota ariba. Manera NoticiaCla a raporta caba, ta trata di mocion 9 y 13, ambos di partido RED (nan tabatin 5 mocion en total), cu tabata pa decriminalisa cannabis medicinal inmediatamente. Tres mocion di AVP a keda rechasa tambe, pa motibo cu segun coalicion, e temanan ta sea parti caba di gobernacion of a wordo trata den pasado caba. Un mocion, # 12 cu ta pa parkeo gratis pa hendenan cu limitacion fisico, tabata uno di AVP y MEP cu a pasa unanimamente. Otro mocion cu a pasa unanimamente, tabata mocion #3 cu ta di MEP y POR, cu ta solucion contra practica di haci negoshi cu tereno erfpacht commercial. Pa loke ta e otro mocionan, MEP tabatin tres su so, mocionan #4 y #5, y #14. Tabatin 3 mocion di RED cu si a keda trata y vota, di cual dos a haya sosten, cu ta mocion #6 y #8. E mocion di RED cu a keda trata pero no a pasa, tabata mocion # 7.

MOCIONAN PRESENTA

Esaki ta e mocionan presenta, y e votacion (e prome ta pro, y e di dos ta contra)

# 1 (AVP) Aumento bijstand/reparatietoeslag ex. (8-12)

# 2 (AVP) Suma pa usa pa dir sociale zaken etc. (8-12)

#3 (MEP/POR) Solucion contra practica di haci negoshi cu tereno erfpacht commercial (20-0)

#4 (MEP) Cambio subsidie regeling pa proceso permiso entrenadornan internacional (11-8) 

# 5(MEP) Opeising geldleing FLPD (Cobra FLPD 17 miyon inmediatamente) (12-8)

#6 (RED) Programa di concientisacion y educacion pa cu nutricion y comemento saludabel (18-2)

#7 (RED) Prohibicion di uzo di tabaco den areanan publico y priva den presencia di mucha (8-12)

#8 (RED) Programa di concientisacion y educacion pa cu consume di alcohol pa cu addicion bou hobennan (11-9)

#9/13 (RED) Decriminalisacion de inmediato cannabis medicinal (---)

#10 (MEP/POR) Fondo TPEF pa haci isla limpi (12-8)

#11 (AVP) Urgi gobierno sosten pa centro priva of SABA (9-11)

#12 (AVP/MEP) Parkeo pa hendenan cu limitacion fisico  (20-0)

#14 (MEP) Concientisacion uso alcohol, Tabaco of otro substancia ilegal na tur evento di mucha y hoben menor di edad  (20-0)