Parlamento a aproba presupuesto 2019 diaranson anochi

ORANJESTAD - Parlamento di Aruba diaranson anochi 10:40pm a aproba e presupuesto 2019 cu 12  voto pro y 8 contra. Unico parlamentario no presente pa vota, tabata parlamentario Richard Arends .Tabatin un total di 14 mocion inicialmente presenta, pero 2 (di partido RED) no a haya sosten di sala pues no por a vota riba nan. A resta 12 mocion di cual 3 tabata di AVP cu MEP a bisa delanta cu nan no ta sostene pasobra nan ta parti di e programa di gobernacion caba. A anuncia si cu nan lo a vota pa e mocion 3, cu ta e mocion cu ta contra benta di negoshi cu tereno erfpacht. E dos mocionan di RED cu a keda rechasa ta mocion 9 y 13 cu ta trata decriminalisacion de inmediato di cannabis medicinal. E mocion12  (Parkeo gratis pa hendenan cu limitacion fisico) a keda aproba unanimamente. 

MOCIONAN 

E mocionan di AVP a keda rechasa cu 8 pro y 12 contra, pero esun di MEP y AVP, mocion 3 a keda aproba.