Lens di contacto ‘optinova’ awor optenibel na e mihor prijs riba mercado!

(ADVERTORIAL)

ORANJESTAD- Botica di Servicio recientemente a presenta nan propio marca di lensnan di contacto, esta, OPTINOVA. Segun Ate Mulder, Farmaceutico principal di Botica di Servicio, e lensnan aki tin e miho prijs riba mercado na Aruba actualmente y ta obtenibel tanto na Botica di Servicio como tambe na Aruba Vision Center.

Debi principalmente na strategianan di compra, e profesionalnan di Botica di Servicio a logra reduci e prijs di e lensnan aki na mita pa asina ofrece e miho prijs riba mercado na Aruba. E lensnan di contacto OPTINOVA ta disponibel den dos diferente tipo: un pakete di 10 lens desechabel pa uzo diario y un pakete di 6 lens pa uzo mensual.

E lens di contacto OPTINOVA ta traha di ‘Hyaluron’, cu ta un gel suave cu ta contene awa, pues ta haci cu e lensnan ta hopi fini, flexibel y facil pa maneha pa e wowonan. Lens di contacto ta un parti integral di cada usuario su bida diario y na mes momento e ta un opcion practico y preferi pa esunnan cu ta sinti nan mes incomodo cu bril. Ademas, e marca OPTINOVA ta lensnan di contacto cu ta duradero y cu ta wordo bendi te hasta den ‘stock’ di un of dos aña si ta necesario.

“Bo no mester di un receta pa por haya e lensnan aki, dus tur hende por cumpr'e facilmente”, asina Sr. Mulder a informa. Tur Botica di servicio tin un gran inventario di lens cu ta cuminsa for di -10.00 pa +4.00 cu cada usuario di lens por mezcla of combina dependiendo di e necesidad di e wowo of bista di e persona. Na final di dia, e usuario por disfruta di un vision cla y principalmente na mita di prijs di loke normalmente e por costa.

Sr. Mulder ta splica riba su experiencia personal unda cu e mes tabata trece lensnan desechabel pa amigo of famia ora cu e biaha ya cu despues di tempo, e compra di lens mes a bira hopi costoso riba nos isla. Basa riba e experiencia aki a nace e idea y posibilidad pa crea un asina yama "house brand" di lens di contacto pa Botica di Servicio.

Mas cu un idea popular, gerencia di Botica di servicio a realisa cu ta un necesidad pa ofrece mas opcion y prijsnan accesibel na tur usuario di lens na Aruba. Di e forma aki a inicia e proceso pa crea e “house brand” di lens y a cuminsa na selecciona un fabricante importante Hulandes pa crea ‘OPTINOVA’: lensnan di contacto esferico cu habilidad pa coregi condicionnan di bista manera miopia of hiperopia.

Botica di Servicio ta conta cu 5 botica situa strategicamente rond di nos isla. Pa mas informacion riba producto, servicio, of pa cumpra bo lens di contacto OPTINOVA yama Botica di Servicio na 6408443 of pasa na esun mas cerca di bo cas of oficina, sea na Palm Beach, Noord, Eagle, Botica Maria of Sero Preto y bishita www.facebook.com/BoticadiServicioof tambe por cumpra e lens OPTINOVA na Aruba Vision Center.