Interes grandi na Corsou pa anochi di informacion riba Cannabis Medicinal

WILLEMSTAD – Interes tabata grandi pa e anochi di informacion organisa pa gobierno di Corsou riba e tema di Cannabis Medicinal. Pa dos ora largo, minister di Salud Suzy Camelia Römer y un otro orador a splica un grupo di agricultor, boticario, inversionista, notario y abogado, e maneho cu gobierno di Corsou ta ehecuta relaciona cu Cannabis Medicinal. E anochi di informacion a tuma lugar na Universidad di Corsou y tabatin un duracion di dos ora. Tabata interesante mira e interes grandi pa e tema.  Recientemente na Aruba tabatin un conferencia riba e tema, unda cu p.e. dignatarionan di Corsou tambe tabata presente y a keda impresiona cu e contenido y presentacion. Na Aruba, e tema ta uno ‘actual’, poco ‘controversial’ pa e forma con kier introduci esaki na Aruba, pero e ta un asunto cu ta aproba y fiha den programa di gobernacion di gabinete Wever Croes. Solamente e forma con pa introduci’e, ta parse di ta un asunto cu ta den discussion actualmente. Potretnan cortesia Mariano Luis Heyden.